जानकी मन्दिरको बारेमा अनाव सनाब नभुकौं : युवा नेता यादव

न्यूज ब्यूरो, जनकपुरधाम । जानकी मन्दिरलाई ट्रस्टीकरण गर्नको लागि युवाहरुले जनकपुरमा चलाएको हस्ताक्षर अभियानको बारेमा अनाव सनाव टिप्पणीप्रति आक्रोस जनाएका छन् ।

जनकपुरको आस्थाको केन्द्र मानिएको विश्वप्रसिद्ध जानकी मन्दिरलाई सरकारद्धारा नै उचीत व्यवस्थापनको लागि ट्रस्टीकरण गर्न तथा मन्दिरलाई विश्व सम्पदा सूचिमा सुचिकृत गराउनको लागि हस्ताक्षर अभियान थालिएको हो ।

समाजिक सँजालमा केही जनाले टिकाटिप्पणी गरेपछि जनता समाजवादी पार्टीका युवा नेता नविन यादवले अनावसनाव नलेख्न आग्रह गरेका छन् ।

मन्दिरलाई ट्रस्टीकरणको माध्यमले अस्तित्व जोगाउन सकिने भन्दै नेता यादव नेतृत्वका युवाहरुले जनकपुरमा हस्ताक्षर अभियान सुरु गरेपछि समाजिक सँजालमा टिकाटिप्पणी गरिएको हो ।

उनले आफनो फेसबुकमा के हामी ले चलयेको अभियान गल्त हो ? , के हाम्रो धरोहरमा जानकीको मन्दिरलाई संरक्षण तथा उचित व्यवस्थापन गराउनु हाम्रो कर्तव्य र उतरदायित्व होईन ? , सयौं बिघा जमिन महन्तले बिक्री गरि सक्यो र बेच्ने क्रम जारी नै रहेक्कोले हामीले क्रियाकलापमा रोक लगाउन खोज्दा वा ट्रस्टिकरण गराउन खोज्दा दुःख किन ? जस्ता प्रश्नहरु तेर्साएका छन् ।

उनले जानकी मन्दिरको ट्रस्टकीरणको सबालमा जथाभावी टिप्पणी गर्नेहरु मन्दिरको महन्थबाट जमिन सहयोग पाएको हुनुपर्ने आरोप समेत लगाएका छन् ।

उनले यस्ता धरोहरको संरक्षणको लागि अगाडी आउनुभन्दा पनि नाकारात्मक तत्वको साथमा उभिएको आरोप समेत लगाएका हुन् ।