धनुषा र वीरगँजमा फेरी थपिए कोरोना सँक्रमित, आईशोलेसनमा भर्ना !

न्यूज ब्यूरो, जनकपुरधाम । विहिबार मात्र धनुषाको २८ जनामा कोरोना पुष्टि भएको केही घण्टामै थप १ जनामा कोरोना सँक्रमण पुष्टि भएको बताइएको छ ।

धनुषाको धनौजी गाउँपालिकाको एक जनामा सँक्रमण पुष्टि भएको हो । उनीहरुको रिपोर्ट विहिबार साँझ आएको जनाइएको छ ।

गाउँपालिकाका स्वास्थ्य शाखा सँयोजक गौरी शंकर मण्डलले सो कुराको जानकारी दिएका हुन् । विहिबार साँझ जिल्ला प्रहरी कार्यालय र स्वास्थ्य कार्यालय मार्फत जानकारी आएको बताए ।

मण्डलका अनुसार, गाउँपालिकाको एक जनामा सँक्रमण पुष्टि भएको छ भने जिल्ला प्रशासन कार्यालय धनुषाले पनि यसको पुष्टि गरेको हो ।

धनुषाका सहायक प्रमुख जिल्ला अधिकारी शरद पोखरेलका अनुसार, एक जनामा भनिएको सँक्रमितलाई विहिबार साँझ नै आईशासेलनसनमा भर्ना गरिएको बताए ।

सँक्रमित धनौजी गाउँपालिका वडा नं. २ को ३६ बर्षिय रहेको जनाइएको छ । अर्का वडा नं. ४ का एक जनामा आरडीटि पोजिटिभ देखिएको स्वास्थ्य सँयोजक मण्डलले बताए ।

धनौजी २ बस्ने भारतबाट आएका थिए । विहिबार साँझ मात्र पिसिआर रिपोर्ट पोजिटिभ आएको बताइएको छ ।

न्यूज ब्यूरोसँगको कुराकानीमा स्वास्थ्य शाखा सँयोजक मण्डलले जिल्ला प्रहरी कार्यालय मार्फत आफूहरुलाई उनको पिसिआर रिपोर्ट पोजिटिभ आएको जनाए ।

यद्यपी, प्रदेश नं. २ का कोरोना सम्बन्धी फोकल पर्सन विजय झाले आफूलाई कुनै अधिकारिक जानकारी, फोन वा मेल नआएको प्रतिक्रिया दिएका छन् ।

समाजिक विकास मन्त्रालयका प्रवक्ता डा. राम प्रसाद घिमिरेले समेत आफुसँग धनुषाको नयाँ सँक्रमणको बारेमा कुनै अधिकारिक मेल अहिलेसम्म नआएको बताए ।

यता, प्रदेश नं. २ कै वीरगँजमा थप ४ जनामा कोरोना सँक्रमण पुष्टि भएको मन्त्रालयका प्रवक्ता डा. घिमिरेले बताएका छन् ।

उनीहरु सबै जना पर्सा जिल्लाको पोखरियाका रहेका छन् । सबै जना स्वास्थ्यकर्मीको सम्पर्कमा रहेको र स्वास्थ्य अवस्था समान्य रहेको प्रवक्ता घिमिरेले बताए ।

विहिबार विहान मात्र धनुषाको २८ जना सहित प्रदेशमै ७६ जनामा सँक्रमण पुष्टि भएको थियो ।