जटही र खजुरी दुवै नाका बन्द, अर्को नाका सुचारु !

न्यूज ब्यूरो, जनकपुरधाम । भारतबाट आउनको लागि खुल्ला गरिएको धनुषाको जटही र खजुरी नाका भोलीदेखि बन्द गर्ने निर्णय गरेको छ ।

भारतबाट जिल्लामा आउनेहरुको सँख्या अत्यधिक हुन थालेपछि प्रशासनले त्यसलाई व्यवस्थित बनाउनको लागि केही दिनको लागि बन्द गर्ने निर्णय गरेको हो ।

दुवै नाकामा क्वारेन्टाइन सहित अन्य चोखो व्यवस्था गरेपछि मात्र पुनः नाका सँचालनमा ल्याउने धनुषाका सहायक प्रमुख जिल्ला अधिकारी शरद पोखरेलले जनाए ।

न्यूज ब्यूरोसँग कुराकानी गर्दै पोखरेलले बोर्डरमा सुरक्षा र भारतबाट आउनेहरुको लागि व्यवस्था चुस्त पार्नको लागि केही दिनको लागि दुवै नाका स्थगित गरिएको हो ।

पोखेरलका अनुसार, केन्द्र सरकारको निर्णय अनुसार जिल्ला प्रशासन कार्यालय धनुषाले सो दुई नाका बन्द गर्ने भएको छ । धनुषावासीहरु केही दिन सिरहा जिल्लाको माडर नाका र महोत्तरी जिल्लाको भिठठमोड नाकाबाट आउन सक्ने छ ।

यसअघि धनुषा प्रशासनले जटही नाका र खजुरी नाका सँचालन गरेपछि अपेक्षा भन्दा बढी सँख्यामा नेपाली नागरिकहरु आउन थालेपछि व्यवस्थापन गर्न कठिनाई भएको थियो ।

प्रशासनले अब ती दुवै नाकामा व्यवस्थापन दुरुस्त पारेपछि मात्र नागरिक भित्र्याउने जनाएको छ । केन्द्र सरकारको निर्णय अनुसार जिल्ला प्रशासन कार्यालय धनुषाले सो दुई नाका बन्द गर्ने भएको छ ।

बुधबार मात्रै भारतबाट नेपाल फर्केका धनुषाका एक युवकको जटही नाकामै ज्यान गएपछि प्रशासन अलर्ट भएको छ ।

सयौको सँख्यामा नेपाली नागरिकहरु सुरक्षा घेरा समेत तोडदै जनकपुर तर्फ प्रस्थान गरेपनि प्रशासन र प्रहरी नीरिह बन्न पुगेको थियो । सोही घटनाक्रमलाई मध्यनजर गर्दै सेना खटाएर व्यवस्थित गरिने जनाइएको छ ।