जनकपुरमा आजदेखि RT-PCR मेसिन सँचालनमा, कोरोना सम्बन्धी टेष्ट तीव्र हुने

न्यूज ब्यूरो, जनकपुरधाम। प्रदेश सरकारले खरिद गरेका २ वटा मेशिनमा जनकपुरको रियल टाईम PCR मेशिन संचालनमा आएको छ ।

आज (सोमबार) विहान सामाजिक विकास मन्त्री माननीय नवलकिशोर साहले सो ल्यावको निरिक्षण पश्चात् सो ल्याव संचालनमा आएको ।

संचालनमा आएको उक्त मेशिनले एक लटमा ९६ वटासम्म जाँच गर्नेछ भने एकदिनमा तीन लटसम्म जाँच हुनेछ।

RT- PCR मेसिन जनकपुरधाम उपमहानगरपालिका वडा नं. २ कदमचोक स्थित रहेको जिल्ला पशु स्वास्थय सेवाको ल्याबमा जडान गरिएको छ । जनकपुरको कदमचोकमा सो मेसिन जडान गरिएको हो ।

जनकपुरको मेशिन संचालन भए लगतै प्राविधिक टोलि राजविराज तिर प्रस्थान गरेका छन । राजविराजको पनि १–२ दिनमै संचालनमा आउने छन।

निरिक्षणमा मन्त्री साहसंगै मन्त्रालयका सचिव डा. रामप्रसाद घिमिरे, जनकपुरधामका मेयर लालकिशोर साह, स्वास्थ आपूर्ति व्यवस्थापन केन्द्रका निर्देशक डा. प्रमोद यादव लगाायतको सहभागीता थियो ।

मन्त्री साहले प्रयोगशालालाई व्यवस्थापन र समन्वय गर्न पुर्व निर्देशक डा. राजकुमार महतोलाई सल्लाहकारको रुपमा नियुक्त गरिएको पत्र पनि हस्तान्तरण गर्नुभयो ।