जनकपुरको गेष्टहाउसबाट ५ जना पक्राउ !

न्यूज ब्यूरो, जनकपुरधाम । जनकपुरबाट प्रहरीले ५ जना जुवाडेलाई मोटो रकम सहित पक्राउ गरेको छ ।

जनकपुरधाम उपमहानगरपालिका वडा नं. ९ पिडारीचोकबाट प्रहरीले २ लाख ७ हजार ५ सय ८५ रुपैयाँ सहित ५ जनालाई पक्राउ गरेको हो ।

पिडारीचोक स्थित रहेको जानकी वाटीका गेष्टहाउसबाट उनीहरुलाई पक्राउ गरिएको जिल्ला प्रहरी कार्यालय धनुषाले जनाएको छ ।

जिल्ला प्रहरी कार्यालय धनुषाबाट खटि गएको टोलीले गोप्य सूचनाको आधारमा उनीहरुलाई जुवा खेल्दै गर्दा रँगेहात पक्राउ गरेको हो ।

अधिकृतको कमाण्डमा टोलि खटि गई तास खेल्दै गरेको अवस्थामा नगद दुई लाख सात हजार पाँच सय पचासि रुपैयाँ सहित जिल्ला धनुषा मिथिला बिहारी नगरपालिका वडा नं. ७ बस्ने बर्ष ५६ को किशोरी साह, जनकपुरधाम उपमहानगरपालिका वडा नं. ८ बस्ने बर्ष ५५ को बिल्टु बरही, जनकपुर १३ बस्ने बर्ष ३५ को सतकिङ राईन , बर्ष ४७ को जसिन कवाडि र बर्ष ३४ को रमेश साहुलाई पक्राउ गरिएको हो ।