प्रदेश २ मै फेरी ९ कोरोना सँक्रमित थपिए, सँख्या ३०४ पुग्यो !

न्यूज ब्यूरो, जनकपुरधाम । प्रदेश नं. २ मा आज (सोमबार) विहानै कोरोनाको ९ नयाँ सँक्रमित थप भएको छ ।

स्वास्थ्य तथा जनसँख्या मन्त्रालयले जारी गरेको प्रेस विज्ञप्तिमा प्रदेश नं. २ मा थप ९ जनामा कोरोना सँक्रमण पुष्टि भएको हो ।

यससँगै, प्रदेश नं. २ मा मात्र १ सय २९ जना सँक्रमित सँख्या पुगेको छ भने नेपालभरिमै सँक्रमितको सँख्या जम्मा ३ सय ४ पुगेको छ ।

आज भेटाएको नयाँ सँक्रमण प्रदेश नं. २ को रौतहट र बाराको विभिन्न स्थानीय तहको रहेको छ । रौतहटमा ८ जना तथा बारामा १ जना गरी ९ जना फेला परेको हो ।

अध्यावधिक बिबरण अनुसार कोभिड– १९ का पृष्टी भएकाहरूको जम्मा संख्या ३०४ पुगेको छ । राष्ट्रिय जनस्वास्थ्य प्रयोगशाला, काठमाडौंमा गरिएको परिक्षण अनुसार रौतहट, इशनाथ नगरपालिका २, ३ ६ र ९ निवासी २१, २१ २३, २५, २५, २९, ३० वर्षीय पुरुषहरू र रौतहट माधबनारायण नगरपालिका ३ निवासी २६ वर्षीय महिला हुन ।

यस्तै, वारा जिल्लाका करैयामाई–५ निवासी ३८ बर्षीय पुरुष रहेका छन् । हाल सम्म प्राप्त बिवरण अनुसार उहाँहरूको स्वास्थ्य अवस्था सामान्य छ र उहाँहरू स्वास्थ्यकर्मीको सम्पर्कमा हुनुहुन्छ ।