प्रदेश २ः सकडमा ५०० को नोटहरु बरामद, चेकजाँच गरिने

न्यूज ब्यूरो, जनकपुरधाम । सडकमा फालिएको अवस्थामा ५०० को नोटहरु प्रहरीले बरामद गरेको छ ।

लकडाउन र त्यस उपर निषेधाज्ञा जारी हुँदा प्रदेश नं. २ को बारा जिल्लामा ५०० को १५ वटा नोटहरु सकडमा छरिएको देखेपछि स्थानीयहरु त्रसित बनेको थियो ।

बाराको आदर्श कोत्वाल गाउँपालिकाको वडा नम्बर ८ स्थित कोत्वाली‌ टोलमा ५०० को १५ वटा नोट छरिएको अवस्थामा बरामद भएको जिल्ला प्रहरी कार्यालय बाराले जनाएको छ ।

आईतबार (आज) बिहान करिब १५ बटा ५०० को नोट फालिएको अवस्थामा भेटिएको छ । त्यसलाई आवश्यकता परे चेकजाँच गरौला ।”– बाराका प्रहरी उपरीक्षकले न्यूज ब्यूरोसँग भने ।

यता, कोरोना संक्रमितले सिंगान पुछेर सो नोट फालिएको आशंका स्थानीयहरुले गरेपनि प्रशासनले भने त्यस्तो केही नभएको बताएको छ ।

प्रहरीले सँक्रमित व्यक्ति नै त्यसमा केही लगाएर फालेको हो भनेर परीक्षण कसले गरयो ? भनेर प्रश्न खडा गरे । प्रहरीले नोटमा सँक्रमण लगाएर फालिएको कुरा अफवाह मात्र रहेको बताएका छन् ।

यद्यपी, बरामद भएको नोटहरुलाई प्रहरीले लगेका छन् भने आवश्यकता परे चेकजाँच समेत गरिने पनि जनाइएको छ ।