दुःखद खवरः धनुषामा थप २ सँक्रमित फेला, कोरोनाबाटै १ जनाको मृत्यू !

न्यूज ब्यूरो, जनकपुरधाम । नेपालमा थप २ जना कोरोना सँक्रमित थपिएको छ भने कोरोनाबाट नै एक जनाको मृत्यू भएको पुष्टि भएको छ ।

नेपालमा कोरोनाबाट मृत्यू भएको पहिलो घटना रहेको स्वास्थ्य तथा जनसँख्या मन्त्रालयले ८ बजेर ५० मिनेटमा जारी गरेको विज्ञप्तिमा उल्लेख छ ।

मृतक सिन्धुपाल्चोक निवासी २९ बर्षीय महिला रहेको जनाइएको छ । गत बैशाख २३ गते त्रिबि शिक्षण अस्पताल, महाराजगंजमा भर्ना भएको र उनको २४ गते डेलिभरी भएको जनाइएको छ ।

अस्पतालबाट बैशाख २५ गते २५ गते डिस्चार्ज भएपछि सिन्धुपाल्चोक आफ्नो घर गएपछि उनलाई ज्वरो, श्वासप्रश्वासमा समस्या भएपछि स्थानीय अस्पतालमा उपचार गराइएको थियो ।

त्यसपछि स्वास्थ्यमा थप जटिलता हुँदै गएपछि र अवस्था जटिल बन्दै गएपछि उनलाई धुलिखेल अस्पतालमा थप उपचारका लागि लैजाँदै गर्दा मृत्यु भएको मन्त्रालयले जनाएको छ ।

मन्त्रालयका अनुसार, यस सम्बन्धमा थप बिस्तृत बिवरण लिईएको र कोभिड– १९ संग सम्बन्धित थप परिक्षण पश्चात्‌ नेपालमा कोभिड–१९ बाट मृत्यु भएको यो पहिलो घटना भएको पुष्टि भएको छ।

राती ८ः५० बजेसम्म शनिबार कोभिड–१९ का पृष्टि भएकाहरूको जम्मा संख्या २८१ पुगेको छ । राष्ट्रिय जनस्वास्थ्य प्रयोगशाला, काठमाडौंमा गरिएको परिक्षण अनुसार नयाँ पृष्टि भएको संख्या दुई २ छ ।

नयाँ सँक्रमणमा धनुषा निवासी २०, ६५ बर्षीय पुरुषहरू रहेका छन् । हालसम्म प्राप्त विवरणअनुसार सबै जनाको स्वास्थ्य अवस्था सामान्य रहेको उनीहरु सबै स्वास्थ्यकर्मीको सम्पर्कमा रहेको जनाइएको छ ।