सिरहामा निषेधाज्ञा जारी

न्यूज ब्यूरो, सिरहा । सिरहामा निषेधाज्ञा जारी गरिएको छ ।

आसपासका जिल्लासहित देशभर संक्रमित भेटिने क्रम बढेपछि जिल्ला प्रशासन कार्यालय सिरहाले निशेषाज्ञा जारी गरेको हो । निषेधाज्ञा अवधिभर पैदल यात्री र सवारी साधन अन्य जिल्लाबाट आउन रोक लगाइएको छ ।

अन्य जिल्लाबाट सिरहा आउनेलाई सिमामै रोक्ने गरी निषेधाज्ञा जारी गरिएको छ । पास भएकाहरु प्रमुख जिल्ला अधिकारीको सहमतिमा मात्र सिरहामा प्रवेश पाउने प्रमुख जिल्ला अधिकारी सरोज गुरार्गाइले हस्ताक्षर गरी जारी गरेको सूचनामा जनाइएको छ ।

यस्तै, लकडाउन अवधिमा विना अनुमति चलाइएका गाडी सुरक्षाकर्मीले नियन्त्रणमा लिने र लकडाउन समाप्त भएपछि मात्रै उल्लंघनको जरिवाना काटेर फिर्ता गरिने जनाइएको छ । यसैगरी, राष्ट्रिय महत्वका आयोजना सञ्चालनमा रहेका टिपर, जेसिबी र कामदारलाई रातीको ८ बजेदेखि ५ बजेसम्म काम गर्न पाउने गरी निशेषाज्ञा जारी गरिएको छ ।

यता, समाजिक दुरी पालन नगरिएको देखिएमा सुरक्षाकर्मीले कारबाही गर्ने जारी सूचनामा उल्लेख छ । यस्तै, भारतबाट लुकीछिपी नेपाल आउनेलाई र लुकीपिछी घरमा राख्नेलाई संक्रामक रोग अन्र्तगत कारबाही गरिने पनि जनाइएको छ ।

यस्तो छ निषेधाज्ञा सूचना :