२ दिन नगरपालिकाको कार्यालय बन्द हुने

न्यूज ब्यूरो, धनुषा । प्रदेश नं. २ मा कोरोनाको सँक्रमित भेटाउन थालेपछि धनुषाधाम नगरपालिकाले २ दिन कार्यालय बन्द गर्ने निर्णय गरेको छ ।

प्रदेश नं. २ को विभिन्न जिल्ला सहित धनुषामा समेत कोरोना भाइरस सँक्रमित व्यक्तिहरु फेला परेपछि २ दिन कार्यालय बन्द गर्ने निर्णय गरेको हो ।

नगरपालिकाका प्रमुख प्रशासकीय अधिकृत गणेशराज कार्कीका अनुसार बढदै गएको सँक्रमणलाई ध्यानमा राखी सोही अनुसार कार्यालय व्यवस्थापनको लागि यो निर्णय गरिएको हो ।

कार्यालयमा आउने सेवाग्राही र कर्मचारीहरुलाई सुरक्षासाथ व्यवस्थापन गर्नको लागि पनि २ दिन कार्यालय बन्द गर्ने निर्णय गरिएको जानकारी दिए ।

धनुषाधाम नगरपालिका जेठ १ र २ गते (विहिबार र शुक्रबार) बन्द रहने छ भने आईतबारदेखि पुनः विधिवत रुपमा कार्यालय सँचालन हुनेछ ।