जनकपुरः यी क्षेत्रमा आवतजावतमा कडाई

न्यूज ब्यूरो, जनकपुरधाम । जनकपुरमा कोरोना सँक्रमण पुष्टि भएपछि केही क्षेत्रमा सर्वसाधारणको आवागमन उपर प्रहरीले निगरानी राख्दै कडाई गरेको छ ।

जनकपुरधाम उपमहानगरपालिका वडा नं. २ गँगासागर क्षेत्रमा प्रहरी परिचालन गरी कडाई गरिएको हो ।

जिल्ला प्रहरी कार्यालय धनुषाका प्रहरी प्रवक्ता रामेश्वर कार्कीका अनुसार, कोरोना सँक्रमित भेटिएको क्षेत्रमा नयाँ व्यक्तिहरुको आवागमनमा प्रहरीले निगरानी थालेको छ ।

गँगासागर क्षेत्रमा सँक्रमित फेला परेको घर सहित आसपासका घरमा नयाँ व्यक्तिको आवागमन रोक लगाएको हो ।

डिएसपी कार्कीका अनुसार, जनकपुरधाम उपमहानगरपालिकाको कार्यालयको समन्वयमा उक्त क्षेत्रलाई निगरानीमा राखिएको हो ।

मँगलबार राती आएको रिपोर्टमा जनकपुरका एक सँचारकर्मीमा कोरोना पोजिटिभ पाइएको हो । एक धनुषाको मिथिला नगरपालिकाको रहेको जनाइएको छ ।

यसका साथै, जनकपुरकै एक किताब पसलेमा समेत कोरोना पोजिटिभ देखिएको बताइएको छ । यद्यपी, यसको अधिकारिक पुष्टि भने हुन सकेको छैनन् ।