धनुषामा टाटासुमो दुर्घटना, ६ जनाको मृत्यू  !

जनकपुरधाम, १३ माघ ।
धनुषाको कमलापूलमा सवारी दुर्घटना हुँदा ६ जनाको मृत्यू भएको छ ।

गएराती करिब २ः३० बजेको समयमा धनुषाको गणेशमान चारनाथ नगरपालिका वडा नंं. ८ पोर्ताहा भन्ने कमला पूलमा यात्रुवाहक टाटा सुमो दुर्घटना भएको जिल्ला प्रहरी कार्यालय धनुषाले जनाएको छ ।

काठमान्डौबाट जम्मा ११ जना यात्रु बोकी झापा गइरहेको बा ९ च ३३१४ नम्बरको टाटासुमो कमला पूलमा दुर्घटना हुँदा ६ जनाको ज्यान गएको हो भने ५ जनालाई सकुशल उद्धार गरिएको हो ।

मृत्यू हुनेमा सखुँवासभा जिल्लाको धर्मदेव नगरपालिका वडा नं. ९ बस्ने अन्दाजी बर्ष २९ का नयाँराज जिमी, मोरँग जिल्ला विराटनगर नगरपालिका वडा नं. ४ का अन्दाजी बर्ष ४५ की सारदा रेग्मी दाहाल र अन्दाजी बर्ष २५ का पहलाद न्यौपाने रहेका छन् ।

त्यस्तै, खोटाँग जिल्ला निर्मली डाँडा बस्ने बर्ष २७ का ज्ञान बहादुर चौहान, मोरँग लेटाँग वडा नं. ८ बस्ने बर्ष ४० का खेम कुमार राना मगर र पाँचथर जिल्लाको अन्दाजी बर्ष ३१ की परमीता राई रहेको जनाइएको छ ।

सवारी दुर्घटना कसरी भएको बारे अनुसन्धान भईरहेको जिल्ला प्रहरी कार्यालय धनुषाले जनाएको छ ।