प्रदेश २ः १० बर्षिय बालिका बलात्कार आरोपमा एक पक्राउ !

न्यूज ब्यूरो, सिरहा । प्रदेश नं. २ को सिरहाबाट एक पुरुषलाई प्रहरीले पक्राउ गरेको छ । उनलाई बालिका बलात्कारको आरोपमा पक्राउ गरिएको हो ।

सिरहाको लहानमा १० वर्षीया बालिकासँग करणी गरेको आरोपमा उनलाई पक्राउ गरिएको हो ।

लहान नगरपालिका–५ की १० वर्षीया बालिकालाई सोमबार करणी गरेको आरोपमा सोही ठाउँका ती पुरुषलाई पक्राउ गरिएको प्रदेश प्रहरी कार्यालय, जनकपुरधामले जनाएको छ ।

बालिकासँग करणी गरेको जानकारी आएपछि ईलाका प्रहरी कार्यालय लहानबाट डिएसपी शरत थापा क्षेत्रीको कमान्डमा खटिएको टोलीले उनलाई पक्राउ गरेको प्रदेश प्रहरी कार्यालयका प्रबक्ता एवं एसपी जयराज सापकोटाले जानकारी दिए ।

पक्राउ परेकालाई इलाका प्रहरी कार्यालय लहानमा राखिएको तथा पीडित भनिएको र पीडक आरोप लागेका दुवै जनाको स्वास्थ परीक्षण लगायत आवश्यक अनुसन्धान भइरहेको ईलाका प्रहरी कार्यलय लहानका डिएसपी थापा क्षेत्रीले जानकारी दिएका छन।