जनकपुरमा आंशिक लकडाउन खुल्यो !

न्यूज ब्यूरो, जनकपुरधाम । कोरोना भाइरसको सँक्रमणलाई रोकथाम गर्नको लागि सरकारले लगाएको लकडाउन जनकपुरमा आशिंक रुपमा खुलेको देखिएको छ ।

नेपाल सरकारले बैंक तथा वितीय सँस्थानहरु आजदेखि खोल्ने निर्णय गरेपछि जनकपुर बजारमा मोटो भीड देखिएको छ ।

जनकपुरको शिवचोक, भानुचोक, मिल्स एरिया, रामानन्दचोक, मुरलीचोक, राम मन्दिर, जानकी मन्दिर, अस्पताल रोड लगायत जनकपुरभरि नै मोटो सँख्यामा मानिसहरुको आवागमन भएको देखिएको छ ।

आज (आईतवार) देखि बैंक तथा वितीय सँस्थाहरु खुल्ने भएपछि गाउँस्तरबाट आएका सर्वसाधारणको मोटो भीड देखिएको छ । बैंकहरुले सोको व्यवस्थापन भने गर्न सकेको छैनन् ।

यसका साथै, ग्रामिण भेकबाट समाजिक सुरक्षा भत्ता लिनको लागि पनि जनकपुरको विभिन्न बैंकहरुमा वृद्धवृद्धाहरुको भीड देखिएको छ । यद्यपी प्रहरीले भने भीड नियन्त्रण गर्न सकेको छैनन् ।

सरकारले कोरोनाबाट बच्नको लागि समाजिक दुरी (कम्तीमा एक मिटर) कायम गरी मात्र कारोवार गर्न तथा सेवा लिन निर्देशन दिएपनि लकडाउनको उलंघन गरीएको देखिएको छ ।

बैंकहरु खुल्ने भएपछि सवारी तथा मानिसहरुको आवागमन निर्वाध रुपमा चलेको देखिएको छ । सरकारले किताब पसल समेत खोल्ने अनुमति दिएपछि भीड बढेको हो ।

सो सन्दर्भमा धनुषाका प्रहरी प्रवक्ता एवम् डिएसपी रामेश्वर कार्कीले लकडाउन नखुलेको बताएका छन् । उनले लकडाउन नखुलेपनि सरकारले बैंकहरु खोल्ने निर्णय गरेपछि मानिसहरुको आवागमन बढेको बताएका छन् ।

भिडियोमा हेर्नुहोस जनकपुरको लकडाउनको अवस्था

नेपालमा आजसम्म कोरोना सँक्रमित १ सय १० जना पुगेको छ भने सो मध्ये ३१ जना निको भएर घर फर्केका हुन् । कोरोनाबाट बच्न र बचाउनको लागि सरकारले घरभित्रै बस्न आग्रह गरेका छन् ।

सरकारले जनताको सेवासुविधाको लागि बैंक मात्र समाजिक दुरी कायम गरी खोल्न भनेको छ भने लकडाउन अहिले पनि जारी रहेको छ ।