जनकपुरः हँसराज मिठाइ पसलका सँचालक पक्राउ !

न्यूज ब्यूरो, जनकपुरधाम । जानकी मन्दिरको सामुन्ने रहेको जनकपुरको हँसराज मिठाइ पसलका सँचालक हँसराज साह (गुप्ता) लाई पक्राउ गरिएको छ ।

जिल्ला प्रहरी कार्यालय धनुषाको टोलीले उनलाई पक्राउ गरेको थियो । लकडाउनमा पनि मिठाइ पसल खोलेको भन्दै पक्राउ गरिएको डिएसपी रामेश्वर कार्कीले जनाए ।

कार्कीका अनुसार, लकडाउनमा पनि निरन्तर मिठाइ पसल खोलेको भनेर गुनासोहरु आएपछि उनलाई पक्राउ गरिएको थियोे ।

प्रहरीले सँचालक साहलाई बारम्बार पसल बन्द गर्नको लागि चेतावनी दिएपनि अटेरी गरेको भन्दै आज (शनिबार) पक्राउ गरिएको जनाइएको छ ।

उनलाई आइन्दा (अबदेखि) लकडाउनमा अवधीमा पसल नखोल्ने शर्तमा कागजात गराई छाडिएको प्रहरी प्रवक्ता कार्कीले जानकारी दिए ।