नेपालगञ्जमा थप ७ जनामा कोरोना संक्रमण, संक्रमित संख्या ८२ पुग्यो

न्यूज ब्यूरो, काठमाडौं । नेपालगञ्जमा थप ७ जनामा कोरोना भाइरसको संक्रमण देखिएको छ ।

स्वास्थ्य मन्त्रालयका अनुसार, मंगलबार गरिएको परीक्षणका क्रममा थप ७ जनामा कोरोना पोजेटिभ देखिएको हो । योसँगै नेपालगञ्जमा मात्रै संक्रमित संख्या २३ पुगेको छ ।

नेपालगञ्जमा शुक्रबार १ जना र आइतबार १५ जनामा कोरोना भाइरसको संक्रमण पुष्टि भएको थियो । नेपालगञ्जमा मंगलबार ७ जना संक्रमित थपिएसँगै नेपालमा संक्रमितको संख्या ८२ पुगेको छ ।

हालसम्म संक्रमण देखिएका ८२ जनामध्ये १६ जना निको भइसकेका छन् । नेपालगञ्जमा संक्रमितको संख्या थपिँदै गएपछि तीन दिनसम्म कफ्र्यू लगाइएको छ ।

वैशाख २३ गते बिहान ११ बजेदेखि लागु हुने गरि वैशाख २५ गते मध्यरातीसम्म यो निर्णय लागू हुनेछ । यस अवधिमा घरबाट बाहिर निस्कन पाइने छैन ।