सिरहामा एक युवकको रहस्यमय मृत्यु, झुन्डिएको अवस्थामा भेटिए

न्यूज ब्यूरो, सिरहा । सिरहाको विष्णुपुर गाउँपालिकामा एक युवकको रहस्यमय मृत्यु भएको छ ।

विष्णपुर गाउँपालिका–४ थल्हाका अन्दाजी २० वर्षीय संतोष यादवको शव झुन्डिएको अवस्थामा भेटिएको हो । उनको हत्याको आशंका गरिएको छ ।

संतोषको हत्या नै भएको परिवारको दावी छ । शनिबार विहान स्थानीयहरुले गाउँ छेउको एक रुखमा उनको शव झुन्डिएको अवस्थामा देखेपछि प्रहरीलाई खबर गरेको थियो ।

घटना रहस्यमय देखिएपछि अनुसन्धान थालेको जिल्ला प्रहरी कार्यालय सिरहाका प्रवक्ता तथा डिएसपी बिनोद घिमिरेले बताए । ‘पोष्टमार्टम पछि मात्रै तथ्य पत्ता लाग्छ, हामी अनुसन्धानमै छौं,’ डिएसपी घिमिरेले न्यूज ब्यूरोसँग भने ।

उनको शव परीक्षणका लागि बिपी कोइराला स्वास्थ्य विज्ञान प्रतिष्ठान धरान पठाइएको छ ।