पुलचोकका युवाहरुद्धारा आज २३ औं दिन गरिबलाई विशेष भोजन

न्यूज ब्यूरो, जनकपुरधाम । जनकपुरधाम उपमहानरपालिका वडा नं. १ को पुलचोक युवा कमिटि र पुलचोकका युवाहरुद्धारा आज २३ औं दिन गरिबलाई खाना खुवाइएको छ ।

विगत २२ दिनदेखि निरन्तर लकडाउनका कारण प्रभावित भएका अति गरिब, कमैया, ज्यालादारीमा काम गर्ने विपन्नहरुलाई नियमित रुपमा खाना खुवाउँदै आएको छ ।

आज जानकी नवमी परेको भन्दै युवाहरुलाई विशेष भोजन वितरण गरिएको हो । अन्य दिन साधारण प्रकारले दैनिक भोजन गराउँदै आएका युवाहरुले आज जानकी जन्मोत्सवको अवसर पारेर विशेष रुपमा खाना खुवाएको छ ।

खानामा दाल, भात, तरकारी, पापर, तरुवा, भुजिया, चटनी, अचार सहितको खाना वितरण गरेको पुलचोक युवा कमिटिका उपाध्यक्ष किशन साहले जानकारी दिए ।

सानो पाइला सँस्था, स्थानीय मिथिला विहारी कुटीको विशेष सहयोगमा कमिटिका अध्यक्ष राधे यादवको अगुवाईमा स्थानीय व्यावसायी तथा व्यापारीको सहयोगमा दैनिक रुपमा खाना खुवाउने गरेको हो ।

प्रत्येक दिन औसत ४०० जनालाई खाना खुवाउँदै आएको जनाइएको छ । यसका साथै, प्रादेशिक अस्पताल जनकपुरमा समेत प्याकिँग गरी भुखाहरुलाई खाना खुवाउने गरेको छ ।

लकडाउन अवधि भर निमुखाहरुलाई खुवाइने कमिटिका अध्यक्ष राधे यादवले जनाए ।