संकटमा पनि अवसरवादी नेताहरु स्वार्थ पूर्ति गर्न उद्धत छन् : प्रभु साह

न्यूज ब्यूरो, जनकपुरधाम । सत्तारुढ नेपाल कम्युनिष्ट पार्टी (नेकपा) का प्रदेश २ का अध्यक्ष तथा सांसद प्रभु साहले प्रधानमन्त्री केपी शर्मा ओलीको विकल्प प्रचण्ड बाहेक अरु हुन नसक्ने बताएका छन् ।

पार्टीभित्रको विवादबारे पहिलोपटक मुख खोलेका साहले सचिवालयका नेताहरुले द्वन्द्व होइन, एकतालाई रोज्नुपर्ने बताएका हुन् । अहिले कोरोना भाइरसको महामारीको कारण देशले ठूलो आर्थिक गिरावटको सामना गरिरहेका बेला देशलाई अस्थिरतातर्फ लैजाने कुनै पनि काम नेकपाको प्राथमिकतामा हुन नसक्ने उनले बताए ।

नेता साहले अहिले केही अवसरवादी नेताहरु द्वन्द र अस्थिरता पैदा गरेर आफ्नो स्वार्थ पूर्ति गर्न उद्धत रहेको बताए ।