कठ्याङ्ग्रिएर सिरहामा १५ को मृत्यु

सिरहा, १० माघ । अत्यधिक चिसोका कारण कठ्याङ्ग्रिएर फेरी पनि सिरहामा एक जनाको ज्यान गएको छ ।

सिरहा नगरपालिका वडा नं. १२ सारश्वर बस्ने बौका दर्जीको ज्यान गएको जिल्ला प्रहरी कार्यालय सिरहाले जनाएको छ ।
गएराति अत्यधिक चिसो सहन नसकि कठ्याङ्ग्रिएर बर्ष ५५ का बौका दर्जी भन्ने मँजुर मियाँको ज्यान गएको हो ।

गएराति शौच गरेर सुतेको केही समय नबित्दै चिसोले काम्न थालेको र केही समयमै मृत्यु भएको परिवारजनले बताएका छन् ।

यो सँगै सिरहामा चिसोका कारण कठ्याङ्ग्रिएर मृत्यु हुनेको सङ्ख्या १५ जना पुगेको छ ।