लकडाउनमा फँसेका हाम्रा नगरवासीलाई उद्धार गरी ल्याउँछौं : कान्छो मेयर

न्यूज ब्यूरो, जनकपुरधाम । धनुषाको शहिदनगर नगरपालिकाका मेयर उदय कुमार बरबरिया (यादव) ले लकडाउनमा फँसेका आफ्ना नागरिकलाई सकुशल उद्धार गरी ल्याउने बताएका छन् ।

नगरपालिकाको कार्यालयबाट एक सूचना जारी गर्दै कोरोनाको महामारीलाई मध्यनजर गर्दै सरकारले गरेको लकडाउनका कारण काठमान्डौंमा फँसेका शहिदनगरका नागरिकहरुलाई सवारी मार्फत उद्धार गरी ल्याउने बताएका छन् ।

शहिदनगर नगरपालिका भित्र घर भएका तथा अध्ययन, काम, पेशा वा अन्य विभिन्न कार्यको लागि काठमान्डौं गएको तथा लकडाउनमा फँसेर आउन नसकेकाहरुलाई उद्धार गरी नगरपालिका ल्याउने तयारी गरेको हो ।

लकडाउनमा काठमान्डौं उपत्यका भित्र फँसेका आफ्ना नागरिकको चाहना बमोजिम उद्धार गरी ल्याउनको लागि लागत सँकलन कार्य भइरहेको मेयर बरबरियाले बताएका छन् ।

उनले सोको लागि लागत सँकलन कार्य भइरहेको हुनाले घर आउने चाहनेले आफ्नो वास्तविक नाम थर, वास्तविक ठेगाना, वुवा वा पतिको नाम, हालको ठेगाना र सम्पर्क नम्बर सहित सम्पर्क गर्न अनुरोध गरिएको छ ।

नगरपालिकाले ६ जना सम्पर्क व्यक्ति परिचालन गरी आउन चाहनेहरुलाई काठमान्डौंबाट उद्धार गरि ल्याउने कार्य थालिएको हो ।

कोरोना भाइरसको सँक्रमण रोक्नको लागि सरकारले गत वर्षको चैत्त ११ गतेदेखि लगाएको लकडाउनका कारण आवतजावत ठप्प भएपछि घर आउन समस्या भएको हो ।

सवारी साधनको आवागमन समेत नभएकोले राशनको अभावमा, दैनिक उपभोग्य वस्तुको अभावका कारण त्यहाँ फँसेका नागरिकहरुलाई सरकारी विधिपूर्वक घर ल्याइदिने बताइएको छ ।

यसको लागि काठमान्डौंबाट घर आउने नागरिकहरुलाई अनिवार्य रुपमा १४ दिन नगरपालिकाको क्वारेन्टाइनमा बस्नुपर्ने प्रावधान समेत राखिएको हो ।

“काठमान्डौंबाट आउने नगर भित्रका नागरिकहरु नगरपालिकाद्धारा सँचालित क्वारेन्टाइन वा होम क्वारेन्टाइनमा अनिवार्य रुपमा १४ दिन बस्नुपर्ने हुन्छ ।” – सूचनामा उल्लेख गरिएको छ ।

सम्पर्कको लागि सूचनामा मेयर उदय कुमार बरबरियाको मोबाइल नम्बर- 9851240669, उपमेयर शिला देवी कापरकी मोबाइल नम्बर-9854029768 , प्रमुख प्रशासकीय अधिकृत नन्द कुमार झाको मोबाइल नम्बर- 9841525728, लेखाअधिकृत लोक बहादुर नेपालीको - 9848300160 , नरेश कुमार यादवको 9851029106 र अजय कुमार यादवको मोबाइल नम्बर 9851221081 मा सम्पर्क गर्न अनुरोध गरिएको छ ।