जनकपुरः ३५ यात्रु सवार बस पल्टियो , सहचालकको घटनास्थलमै मृत्यू !

न्यूज ब्यूरो, जनकपुरधाम । प्रदेश नं. २ को महोत्तरी जिल्ला बर्दिवास स्थित सवारी दुर्घटना हुँदा सहचालकको घटनास्थलमै मृत्यू भएको छ ।

महोत्तरीको बर्दिवास नगरपालिका वडा नं. ३ पाटु स्थित बस पल्टिदा दुर्घटना भएको ईलाका प्रहरी कार्यालय बर्दिवासले जनाएको छ । मृत्यू हुनेमा दोलखाको माताकोशी वडा नं. २ बस्ने बाबुराम विश्वकर्माको रहेको जनाइएको छ ।

काठमाडौंबाट उदयपुर जाँदै गरेको बस बर्दिबासमा दुर्घटना, सह–चालकको घटनास्थलमै मृत्यु भएको ईलाका प्रहरी कार्यालय बर्दिवासका प्रहरी नीरिक्षक सोनु कुमार साहले जानकारी दिए ।

सो दुर्घटनामा परी थप एक जना गम्भीर घाइते भएका छन्। लकडाउनले काठमाडौंमा अलपत्र परेकाहरुलाई लिएर उदयपुर जाँदैं गरेको बस शनिबार बिहान दुर्घटनामा परेको साहले जानकारी दिए।

उदयपुरको चौडण्डी नगरपालिकाले लकडाउनमा अलपत्र परेका आफ्ना नगरभरीका स्थानीयलाई बस व्यवस्थापन गरेर ल्याउँदै गरेको बस आज बिहान ४ बजे दुर्घटनामा परेको हो।

दुर्घटना लगतै बसका चालक फरार भएको प्रहरीले जनाएको छ । विपी राजमार्ग अन्तरगत बर्दिबास नगरपालिकाको पाटु चोकभन्दा उत्तरतिरको मोडस्थित सडक नालीमा बस गएर पल्टिएको हो ।

गाउँ नजिकै बस दुर्घटना परेको खबर पाएर पुगेका गाउँलेहरुले बसका यात्रुहरुलाई उद्धार गरेका थिए।

बा ३ ख ४०३६ नम्बरको बसमा शुक्रबार राति १० बजे ३५ जनालाई काठमाण्डौंबाट यात्रु लिएर उदयपुर हिडेको थियो।

दुर्घटनामा गम्भीर घा’इते भएका दोलखाकै तामाकोसी– २ का २२ वर्षीय प्रदीप विश्वकर्माको बर्दिबासस्थित शुभ स्वस्तिक हस्पिटलमा उपचार भइरहेको प्रहरीले जनाएको छ।