धनुषामा बजार बन्द गराउन गएका प्रहरी कुटिए

न्यूज ब्यूरो, जनकपुरधाम । धनुषामा दुई प्रहरीमाथि कुटपिट भएको छ ।

लकडाउनमा लागेको बजार बन्द गराउन जाँदा प्रहरीका असइ र हवल्दार कुटिएका हुन् ।

धनुषाको बटेश्वर गाउँपालिका १ चित्रपुरस्थित लवकुश चोकमा लागेको बजार बन्द गराउन गएका प्रहरी चौकीका असई शंकर यादव र हवल्दार नागेन्द्र यादवमाथि कुटपिट भएको हो ।

बजार बन्द गर्न प्रहरीले गरेको आग्रह नमानेपछि ठेलामा जलेवी र समोसा बेच्ने एक युवकमाथि प्रहरीले हात छाडेपछि विवाद भएको एक प्रत्यक्षदर्शीले बताए ।

प्रहरीले युवकमाथि हात छोडेपछि त्यहाँ रहेका युवकले समेत प्रहरीमाथि हातपात गर्न थालेपछि त्यहाँ रहेका केही व्यक्तिहरुले समेत प्रहरीमाथि कुटपिट गरेका हुन् ।