धनुषामा भयंकर हावाहुरी र असिना, सयौं घरको टाली ध्वस्त !

न्यूज ब्यूरो, जनकपुरधाम । धनुषामा आज आएको असिनापानी (पत्थर) का कारण सयौं घरको टाली (खपरा) ध्वस्त भएको छ ।

सदरमुकाम जनकपुरदेखि उत्तरी पश्चिमी कुनामा आज परेको असिनापानीका कारण सयौं घरको टाली खपराहरु नास भएको छ ।

धनुषाको मिथिला नगरपालिका वडा नं. ८ कुसुम विसौनामा दिउँसै आएको हावाहुरी र असिनापानीका कारण घर उपर राखिएको टाली नष्ट गरेको हो ।

ठुलो असिना पानीका कारण घरको छाना, जस्तापाता, आँपको टिकुला सबैमा हानी नोक्सानी भएको स्थानीय किसान जय कुमार महतोले जानकारी दिए ।

सिँहका अनुसार करिब १ बजे आएको ठुलो हावाहुरी र असिनाका कारण आँप, बाली, तरकारी, घर सबैमा ठुलो नोक्सानी पुगेको हो ।