बर्षाले केही राहत भिजाए, नियतवंश बाँडेका होइनौ : वडाध्यक्ष पासवान

न्यूज ब्यूरो, जनकपुरधाम । कमला नगरपालिका वडा नं. ५ का वडाध्यक्ष शिवा पासवानले बर्षाका कारण राहतको पोका भिजेर चामल समेत भिजेपछि १२ जनाको राहत फिर्ता भएको जनाएको छ ।

गत आईतबारदेखि नै राहतको लागि प्याकिँग गरी वडा कार्यालयमा राखिएको बताउँदै उहाँले रातीमा वर्षाभएपछि झयालबाट पानी पसेर केही बोरा भिजेको स्वीकार गरेका छन् ।

वडाध्यक्ष पासवानका अनुसार, केही जनाले फेसबुकमा जथाभावी लेखिदिएको र राहत वितरणको यथार्थ अवस्थाबारे जनाएपनि पूर्वाग्रह तवरले लेखिदिएको हो ।

नगरपालिकाको कार्यालयले राहत वितरणको लागि गत शनिबार नै राहतको प्याकिँगहरु नगरपालिकामा ल्याएर विभिन्न वडामा पुरयाउने कार्य गरिएको थियो ।

सोही क्रममा आईतबारसम्म वडाहरुमा राहत वितरणको लागि प्याकिँग गरी पठाएकोमा रातीमै वर्षा भएपछि झयालको माध्यमबाट पानी पसेर केही प्याक दुर्गन्धित बनेको बताएका छन् ।

वडाध्यक्ष पासवानले भने–“हामीलाई कुनै थाहा थिएन की बोरी भित्र पानी गएको छ वा छैन, हामीले कर्मचारी लगाएर राहतको बोरी उठाउन लगाएका थियौं । भित्र पानी पसेर १२ वटा प्याकेट खराव बारे कुनै जानकारी भएन, पछि केही जनाले चालममा पानी पसेको र बोरी उपर बोरी भएको कारण आलू समेत सडेकोले दुर्गन्धित बनेको थियो । त्यो पनि बोरी खोलेपछि मात्र थाहा पायौ, हामीले उनीहरुको प्याकेट फिर्ता लिएका छौं, पुनः अर्को प्याकेट दिन्छौं, हामीले जानीबुझिकन बाँडेका होइनौ ।"

वडाभरिमा ४०७ जनाको लागि राहत प्याकेट गएकोमा १२ वटा प्याकेट पानी पसेकोले खराव भएको स्वीकार गर्दै नियतवंश नगरको बताएका छन् । केही जनालाई अझै बाँडन बाँकी रहेको वडाध्यक्ष पासवानले बताए ।