'सरकार निरंकुश बन्यो, गलत नियत राखेर अध्यादेश ल्याइयो'

न्यूज ब्यूरो, काठमाडौं । सरकारले ल्याएको राजनीतिक दल र संवैधानिक परिषद् सम्बन्धी अध्यादेशलाई विपक्षी चार दलले गलत नियतका साथ ल्याइएको ठहर गरेको छ ।

नेपाली कांग्रेस, राजपा, समाजवादी र राप्रपाले यस्तो ठहर गरेको हो । गलत समयमा सरकारले गलत काम गरेको भन्दै तत्काल अध्यादेश फिर्ता लिन माग पनि गरिएको छ ।

सरकारले हालै मात्र राजनीतिक दल फुटाउन खुकुलो बनाउने तथा विपक्षी दलका नेताविना नै संवैधानिक परिषद्को बैठक बस्न सक्नेगरी दुई अध्यादेश ल्याएको थियो । चारै पार्टीका नेताहरुको सम्मिलित बैठकले राहत, उद्धार र कोरोना संक्रमणको जाँचमा सरकारले भेदभाव गरेको ठहरसमेत गरेको छ ।