उदयपुरमा थप ३ जनामा कोरोना पुष्टि

न्यूज ब्यूरो, काठमाडौं । उदयपुरका थप तीन जनामा बुधबार कोरोना संक्रमण पुष्टि भएको छ ।

उदयपुरको भुल्केमा कोरोना संक्रमण देखिएपछि त्यहाँबाट संकलन गरी ल्याइएका स्वाब (नमूना) को बीपी कोइराला स्वास्थ्य विज्ञान प्रतिष्ठान धरानमा पीसीआर परीक्षण गर्दा रिपोर्ट पोजिटिभ आएको हो ।

‘योसँगै अब संक्रमितको संख्या ४५ पुगेको छ,’ स्वास्थ्य मन्त्रालयमा प्रवक्ता डा. विकास देवकोटाले नियमित पत्रकार सम्मेलनमा जानकारी दिए । यी ३ जनामा पुष्टि भएसँगै उदयपुरमा संक्रमित हुनेको संख्या २७ पुगेको छ ।

देशभरका संक्रमित ४५ मध्ये ७ जना निको भई घर फर्किसकेका छन् ।