धनुषा: क्वारेन्टाईनमा एक जनाको RDT रिपोर्ट पोजिटिभ

न्यूज ब्यूरो, जनकपुरधाम । प्रदेश नं. २ को एक पालिकाको क्वारेन्टाइनमा बसेका एक जनामा RDT ( rapid diagnostic test) रिपोर्ट पोजिटिभ देखिएको छ ।

धनुषाको एक पालिकाको क्वारेन्टाईनमा चेकजाँचको क्रममा आरडीटि रिपोर्ट पोजिटिभ देखिएको ईलाका प्रहरी कार्यालय खजुरीले जनाएको छ ।

क्वारेन्टाईनमा राखेको आईतबार १४ दिनपछि गरिएको टेस्टको क्रममा उनको RDT रिपोर्ट पोजिटिभ आएको बताइएको छ । उनलाई अहिले क्वारेन्टाईनमै राखिएको हो ।

सोही क्वारेन्टाइनमा बस्ने ८ जना आईतबार नै डिस्चार्ज भएर होम क्वारेन्टाइनको लागि फर्केका छन् । सो क्वारेन्टाईनमा बसेका ९ जनाध्ये एक जनाको आरडीटि रिपोर्ट पोजिटिभ देखिएको हो ।

रिपोर्ट पोजिटिभ आएपछि स्वाब सँकलन गरी पिसिआर परीक्षणको लागि जनकपुरको प्रादेशिक अस्पताल ल्याउने भएको छ ।

---

(व्यक्तिको गोपनीयता कायम राख्दै नाम, ठेगाना, वतन र विवरण उल्लेख गरिएको छैन ।)