प्रधानमन्त्रीको निर्देशनपछि मजदुर बाटामै रोकिए

न्यूज ब्यूरो, काठमाडौं । प्रधानमन्त्री केपी शर्मा ओलीले अत्यावश्यक बाहेकका आवतजावत पूर्ण रुपमा बन्द गर्न निर्देशन दिएपछि गृह प्रशासनले कार्यान्वयन थालेको छ ।

गृहमन्त्रायलले प्रहरी प्रधान कार्यालय, नक्साललाई शुक्रबार सर्वसाधारणको आवतजावत पूर्ण रुपमा रोक्न निर्देशन दिएको हो । विभिन्न स्थानीय तहले अलपत्र मजदुरलाई गाडीमा राखेर आफ्नो क्षेत्रबाट कटाइरहेका बेला गृहको निर्देशनपछि यो पनि रोकिएको छ ।

काठमाडौंबाट पैदल हिँडेर घरतर्फ जाँदै गरेका धेरै मजदुरहरु बाटामै राकिएका छन् । प्रधानमन्त्री ओलीले शुक्रबार नागरिकलाई हिँडेर जान नदिई जहाँको त्यहीँ रोकेर खाद्यान्नको व्यवस्थापन गर्न निर्देशन दिएका थिए ।