कोरोनाले बढदै डर, तनाव र एक्लोपना

हो, अहिले विश्वमा कोरोनाको महामारी छ, नागरिकहरु आफ्नो ज्यानको लागि दिनरात कसरत गर्दैछ । कसरी बच्ने ?

मानिसका लागि माहौल नै पुरै बदलिएको छ । अचानक स्कूल, अफिस, बिजनेस बन्द भइसकेको अवस्था छ , बाहिर जान पर्दैन र दिनभर कोरोना भाइरसबारे खबर हेर्नुपर्ने बाध्यता पनि छ । सको असर मानसिक स्वास्थ्यमा पर्नु स्वभाविक हो ।

मानिसहरुलाई तनाव हुनुका ३ कारण छन् । जसमध्ये पहिलो कारण हो कोरोना भाइरसबाट संक्रमित हुने डर । दोश्रो हो, नोकरी वा कारोबारको अनिश्चितता र तेस्रो लकडाउनका कारण एक्लोपना ।

कोरोना भाइरसबाट बच्नका लागि नेपालको लकडाउन जारी छ । यो बैशाख १५ गतेसम्म रहने सरकारको घोषणा मार्फत निश्चित भएको छ । मानिसहरु घरमा नै बन्द भएका छन् र सबै थोक यथावत छ ।

यसबीच चिन्ता, डर, एक्लोपना र अनिश्चितताको माहौल बनेको छ । दिनरात मानिसहरु कोरोनाभाइरससँग जुधिरहेका छन्।

मुख्य रुपमा बालबालिका, बृद्ध–बृद्धा र दिर्घ रोगी । रोगीसंग प्रत्यक्ष सामना गर्ने व्यक्ति जस्तै डाक्टर र अन्य स्वास्थ्यकर्मी।

लागुपदार्थको सेवन गर्ने मानिस तथा मानसिक सन्तुलन ठिक नभएका बिरामीहरुमा अवस्था झन् जटिल देखिन सक्छ।

मानिसहरुमा महामारीको बारेमा सामान्य डर र चिन्ता हुनु स्वभाविक नै हो। तर यदि त्यो लामो समयसम्म रहिरह्यो भने त्यसले मानसिक समस्या निम्ताउन सक्छ।

समाजमा आउने तनावले व्यक्तिलाई कसरी जीवन सुरक्षित गर्ने भन्ने तनाव पैदा गर्छ । ऊ खाद्यान्न, पानी, औषधिजस्ता अत्यावश्यक वस्तुहरूको जोहो गर्न थाल्छ ।

तनावले व्यक्तिलाई सक्रिय बनाउँछ । छिमेकी मुलुक भारतमा घरमा बस्दा महसुस हुने एक्लोपनाबाट जुध्नको लागि पनि विभिन्न व्यवस्थाहरु गरिदिएको छ ।

नेपालमा पनि एक्लोपना र लकडाउनलाई लिएर विभिन्न सुविधाहरु नेपाल टेलिकम, एनसेल, इन्टरनेटहरुले दिएकै हुन ।

तर, पनि एक्लोपनाका कारण प्रथम पटक मान्छेहरु अहिले आराम गर्दा गर्दै थाकेको देखिन थालेको छ । प्रशासनले आफ्नो जिम्मेवारी बखुवी निभाएकै हुन, उनीहरुलाई एक्लोपनाले सताउन थाल्यो भने के हुन्छ ?

हामी अहिले त्रासमय जीवनमा छौं, यसलाई दुरी गर्ने एउटा कारण एक्लोपना अथवा एकान्तवास पनि भन्न सकिन्छ । परिवारसँगको मनोरञ्जनले यसलाई दुर गर्न सक्छ ।

अन्त्यमा यस एक्लोपनालाई दुर गर्न घरमै खेल, मनोरञ्जनात्म खेल गरी समाजिक दुरी बनाएर भएपनि घरमै बसौ र सुरक्षित रहौं ।