आमाले आफ्नो ५ बच्चालाई नदीमा फाले !

न्यूज ब्यूरो, एजेन्सी । लकडाउनका कारण भोकै बसेकी एक महिलाले आफ्नो ५ बच्चालाई नदीमा फालेको घटना बाहिर आएको छ ।

यो घटना भारतको उत्तर प्रदेश राज्यको भदोही भन्ने स्थानको हो । यो डरलाग्दो घटनामा आमाले आफ्नै ५ बच्चालाई गँगा नदीमा फालिदिएको भारतीय सँचारमाध्यमहरुले जनाएको छ ।

आईतबार राती २ बजेतर्फ महिलाले आफनो ५ बच्चा सहित आफू पनि गँगा नदीमा हाम फालेकी थिइन् । बच्चाहरुको अहिले कुनै सुराक नमिलेको भारतीय प्रहरीलाई हबाला दिँदै सँचारमाध्यमहरुले समाचार प्रकाशित गरेको छ ।

जानकारी अनुसार, महिलाले आफ्नो पाँचै बच्चालाई गँगा नदीमा फालेर आफू स्वयँम पनि हाम फालेकी थिइन, आफू तैरिदै नदीबाट बाहिर निस्केर गाउँलेहरुलाई आफ्नो बच्चा फालेको बताएपछि गाउँलेहरुले प्रहरीलाई खवर गरेको थियो ।

प्रहरीले खवर पाएलगत्तै घटनास्थलमा पुगेर बच्चाहरुको खोजी कार्य तीव्र पारेको जनाइएको छ । प्रहरीद्धारा अहिले पनि नदीमा सर्च अपरेशन जारी राखिएको बताइएको छ ।

भारतीय सँचारमाध्यमहरुले उल्लेख गरे अनुसार महिला मजदुरी गर्दै आएकी थिइन भने उनका पति कुनै काम विशेषले झारखण्ड गएको बेला आफ्नो पाँचै बच्चालाई फालेको बताइएको छ ।

महिलाको आफ्नो श्रीमानसँग झगडा परेको र श्रीमान बाहिर जाँदा त्यस्तो गरेको प्रारम्भिक अनुसन्धानबाट खुलेको छ । पाँच बालबालिकामध्ये दुई बालिकाको लास फेला पार्न सफल भएको छ भने बाँकी ३ छोरा अझै हराइरहेको जनाइएको छ ।

गत आईतबार राती करिब २ बजे नै आफ्नो बच्चाहरुलाई नदीमा फालेको थियो । महिलाको नाम मँजु रहेको बताईएको छ ।

उनले आफ्नी ३ छोरी सहित २ छोरालाई गँगा नदीमा फालेको स्वीकार गरेकी छिन् । उनकी १२ बर्षिय छोरी बँदना, १० बर्षिय छोरी रँजना ८ बर्षिय छोरा शिवशँकर, ६ बर्षिय छोरी पूजा र ४ बर्षिय छोरा सँदीप कुमारलाई नदीमा फालेको बयान दिएकी हुन् ।

बच्चाहरुलाई फालेर आफू घर आएर सुतेकी तथा विहानै आफ्नी जेठानीलाई भनेपछि घरमा हल्ला फैलिएको थियो । विहानै जानकारी पाएपछि प्रहरी घटनास्थल पुगेर सर्च अपरेशन जारी राखेको छ ।

जानकारी अनुसार महिलाको मानसिक स्थिति समेत साधारण नरहेको बताइएको छ । बाँकीका छोराहरुलाई प्रहरीले खोजी कार्य तीव्र पारेको छ ।