प्रदेश २ मा ११९ जनाको रिपोर्ट निगेटिभ

न्यूज ब्यूरो, जनकपुरधाम । प्रदेश २ मा हालसम्म ११९ जना कोरोना शंकास्पद बिरामीको स्वाब टेस्ट गरिएको छ ।

प्रदेश २ को आठ जिल्लाबाट २५४ जना शंकास्पद बिरामीको स्वाब संकलन गरिएकोमा ११९ जनाको रिपोर्ट आएको हो । परीक्षण भएका सबैको रिपोर्ट अहिलेसम्म निगेटिभ आएको प्रदेश २ का सामाजिक विकास मन्त्रालयका सचिव रामप्रसाद घिमिरेले जानारी दिए ।

१३५ जनाको परीक्षण रिपोर्ट आउन बाँकी रहेको छ । यस्तै आठवटै जिल्लामा ९९० जना क्वारेन्टिन र १ हजार ३९८ जना चिकित्सकको सल्लाह अनुसार होम क्वारेन्टाइनमा छन् ।

प्रदेश भरिमा ७ जना आइसोलेसनमा रहेका छन् ।