धनुषाधाममा पनि ३८ बेडको क्वारेन्टाइन निर्माण

न्यूज ब्यूरो, जनकपुरधाम । धनुषाको धनुषाधाम नगरपालिकाले पनि क्वारेन्टाइन कक्ष निर्माण गरेको छ ।

नगरपालिकाले कोरोना संक्रमण फैलिन नदिन पूर्वतयारी स्वरुप ३८ बेडको क्वारेन्टाइन कक्ष निर्माण गरेको हो ।

धनुषाधाम नगरपालिकाको धनुष जनता माविमा २८ बेडको क्वारेन्टाइन कक्ष र प्राथमिक स्वास्थय केन्द्रमा १० बेडको क्वारेन्टाइन कक्ष निर्माण गरिएको नगरप्रमुख बालेश्वर मण्डलले जानकारी दिए ।

मेयर मण्डलले कोरोना भाइरसविरुद्ध लड्न तयारी अवस्थामा रहेको जनाएका छन् । नगरका नागरिकलाई कोरोना संक्रमणबाट जोगाउन नगरपालिकाले मेडिकल टिम समेत खटाएका छन् ।

नगरपालिकाले कुनै शंकास्पद व्यक्ति देखिए तत्कालै एक्सन लिने तयारीका साथ २४सै घण्टा एम्बुलेन्स पनि तयार राखेको छ । नगरप्रमुख मण्डलले देश बाहिरबाट आएका व्यक्तिलाई सम्पर्क गर्न र स्वास्थ्य जाँच गराउन आग्रह पनि गरे ।

नगरपालिकाको प्रमुख परशासकिय अधिकृत गणेशराज कार्किले भने –“नगरपालिकामा स्वास्थय टोलि तनाथ राखको छु , हामि क्वारेन्टाइनमा बस्ने लाई आवशयकता अनुसार सबै थोक पुर्व तयारीमा व्यवस्था गरि राखेका छौं ।”