लकडाउनको अवधि फेरी थपियो !

न्यूज ब्यूरो, काठमाडौं । सरकारले लकडाउन ८ दिन थप गरेको छ ।

मन्त्रिपरिषद्को सोमबारको बैठकले बैशाख ३ सम्म लकडाउन लम्ब्याउने निर्णय गरेको हो । लकडाउनको अवधि दोस्रो पटक थपिएको हो ।

कोरोना भाइरस (कोभिड १९)को दोस्रो संक्रमित भेटिएपछि सरकारले चैत ११ बाट १८ गते बिहान छ बजेसम्मका लागि लकडाउन घोषणा गरेको थियो । त्यो अवधि पूरा नहुँदै २५ गतेसम्म थपियो ।

नेपालमा पहिलो पटक स्थानीय स्तरमा कोरोना संक्रमित भेटिएपछि पुनः लकडाउन थप गरिएको हो ।