यातायात कार्यालय बर्दिवास सार्ने हल्ला मात्र !

जनकपुरधाम, ४ माघ ।
यातायात व्यवस्था कार्यालय जनकपुरका निमित्त प्रमुख राजन पोखरेलले जनकपुरबाट कार्यालय बर्दिवास सार्ने तथ्य अफवाह र हल्ला मात्र भएको दाबी गरेका छन् ।

विभिन्न अनलाईन सँचार माध्यमहरुमा यातायात कार्यालय बर्दिवास सार्ने समाचार प्रकाशन प्रकाशित भएपछि पोखरेलले यसलाई तथ्यहिन र आधारहिन बताएका छन् ।

विहिबार निमित्त प्रमुख पोखरेलले, कार्यालय सार्नको लागि मन्त्री परिषदबाट निर्णय गर्नु पर्ने भएकाले यस्तो हल्लाको पछाडि नलाग्न आग्रह समेत गरेका हुन्।

यातायात व्यवस्था कार्यालय जनकपुरलाई महोत्तरीको बर्दिवास सार्ने गोप्य प्लानको खुलासा भएको छ भनेर समाचारहरु प्रकाशित भएपछि यस्तो बयान जाहेर गरेका छन् ।
यातायात व्यवस्था कार्यालय जनकपुरमा भइरहेको कामकाजलाई बर्दिवासमा मूर्तरुप दिने कार्य भित्रैभित्र अथक प्रयास भइरहेको समाचारहरु आएको छ ।

यसरी थियो अघिल्लो समाचार

जनकपुर यातायात व्यवस्था कार्यालय जनकपुरबाट बर्दिवास सार्ने गोप्य प्लानको खुलासा भएको छ । प्रारम्भिक जानकारी अनुसार, जनकपुरबाट यातायात कार्यालय बर्दिवास सार्नुको मुख्य कारण कार्यालयका सुब्बा हुन् । कार्यालयका सुब्बा पोषण थापाले कार्यालयलाई बर्दिवास सार्न अथक प्रयासमा लागेका छन् भने करिब ४० प्रतिशत कार्यलाई मूर्तरुप दिन समेत सफल भएका छन् ।
जनकपुरमा भइरहेको सवारी लाईसेन्स वितरणको कार्यलाई बर्दिवास लग्ने तथा जनकपुरमा मात्र बनेको लाईसेन्सलाई नविकरणको लागि कार्यालय प्रयोग गरिने योजना छ । हालाकी, यो समाचारको अधिकारिक पुष्टि नभएपनि कार्यालयका सुब्बा पोषण थापाको जन्मथलो बर्दिवास भएकै कारण यो कार्यालयलाई बर्दिवास व्यक्तिगत सहजता तथा पक्कडको हिसाबले सार्न लागेको बुझिएको छ । विगत देखि नै भ्रष्टाचारको अडडा मानिदै आएका यातायात व्यवस्था कार्यालय जनकपुरलाई बर्दिवास लैजानको लागि कार्यालय प्रमुख तीर्थराज खनाल सहित विभागकै डीजी समेत दिनरातको प्रयासमा लागेका छन् । यो तथ्यलाई जनकपुर यातायात व्यवस्था कार्यालय जनकपुरका निमित्त प्रमख राजन पोखरेलले अफवाहको सँज्ञा दिएका छन् ।
करोडौँको लगानीमा स्मार्ट लाइसेन्सको लागि पहल गरेपछि यहाँबाट अरु ठाउँमा सार्न नै नमिल्ने दाबी गरेका छन् । गत श्रावण मसान्तदेखि मात्र जनकपुर उपमहानगरपालिकाको वडा नं. १४ मुजेलियामा भाडाको नयाँ भवनमा सरिएको हो ।