ग्यासको सिलिन्डर बोकाएर सजाय दिने प्रहरीको खोजी थालियो

न्यूज ब्यूरो, काठमाडौं । प्रहरी प्रधान कार्यालयले लकडाउन उल्लंघन गर्नेलाई ग्यासको सिलिन्डर बोकाएर सजाय दिने प्रहरीको खोजी थालेको छ ।

मोटरसाइकलमा आएका एक जनालाई ग्यासको सिलिन्डर बोकाएर सडकमा सजाय दिइरहेको तस्बिर सामाजिक सञ्जालमा भाइरल भएपछि प्रहरीको आलोचना भएको थियो । प्रहरीको आलोचना बढेपछि प्रहरी प्रधान कार्यालयले यसरी सजाय दिने महिला प्रहरीको खोजी शुरु गरेको हो ।

तस्बिर कहाँको हो भन्ने नखुलेको र सजाय दिने महिला प्रहरीले मुखमा मास्क लगाएकाले पहिचानमा समस्या भएको प्रधान कार्यालयका एक अधिकारीले बताए । प्रधान कार्यालयले सो तस्बिरबारे ध्यानाकर्षण भएको र यसबारे छानबिन शुरु गरिएको जनाएको छ ।