समाजवादी पार्टीले कोरोना नियन्त्रण कोषमा १० लाख दिने

न्यूज ब्यूरो, काठमाडौं । समाजवादी पार्टी नेपालले कोरोना भाइरस (कोभिड १९) रोकथाम र नियन्त्रणका लागि सरकारले स्थापना गरेको कोषमा १० लाख रुपैयाँ प्रदान गर्ने भएको छ ।

पार्टीले आफ्नो तर्फबाट एकमुस्ट १० लाख रुपैयाँ सहयोग गर्ने जनाएको हो । पार्टीका अध्यक्ष उपेन्द्र यादवले आज (शनिबार) एक विज्ञप्ति जारी गर्दै पार्टीको तर्फबाट १० लाख रुपैयाँ सहयोग गर्ने जानकारी दिए ।

पार्टीको तर्फबाट प्रतिनिधित्व गर्ने सांसद तथा जनप्रतिनिधिको आधा महिनाबराबरको तलब तथा पार्टी कार्यकर्ता तथा शुभेच्छुकको सहयोगसमेत गरी एकमुस्ट १० लाख रुपैयाँ रकम दिने उनले जनाए ।

अध्यक्ष यावदले विभिन्न व्यक्ति तथा संघसंस्थाबाट प्राप्त सहयोगको सदुपयोगको प्रबन्ध मिलाउनसमेत र विशेष स्थितिमा उच्च सतर्कता अपनाउन चालु आर्थिक वर्षको राज्यको सञ्चित कोषबाट खर्च गर्न पनि आग्रह गरेका छन् ।