नेपालमा फेरि एकजनामा कोरोना संक्रमण, संक्रमित ५ पुग्यो

न्यूज ब्यूरो, काठमाडौं । नेपालमा कोरोना संक्रमितको संख्या ५ पुगेको छ ।

स्वास्थ्य तथा जनसंख्या मन्त्रालयले फेरि अर्का एक जनामा संक्रमण देखिएको जानकारी दिएको हो । योसँगै नेपालमा कोरोना संक्रमित व्यक्तिको संख्या ५ पुगेको छ ।

यसअघि ४ जनामा कोरोना भाइरस भेटिसकिएको छ । जसमध्ये सुरुका एक संक्रमित पुरुष उपचारपछि स्वस्थ भइसकेका छन् । नेपालमा हालसम्म ८७५ जनाको नमुना परीक्षण गरिएकामा ५ जनामा संक्रमण भेटिएको हो ।

आज संक्रमण पुष्टि भएकी युवति बागलुङकी हुन् । उनी बेल्जियमबाट कतार हुँदै काठमाडौँ आएकी थिइन् ।