प्रदेश २ : सबै जिल्लामा सेना परिचालन, गुप्तचर पनि खटाइयो

न्यूज ब्यूरो, जनकपुरधाम । विश्व महामारीको रुप लिएको कोरोना भाइरस (कोभिड १९) नियन्त्रणका लागि नेपाल सरकारले लागू गरको लकडाउनको पूर्णरुपमा पालना गराउन प्रदेश २ को आठवटै जिल्लामा नेपाली सेनासहित तीनै सुरक्षा निकाय परिचालन गरिएको छ ।

विश्वभर महामारीका रुपमा फैलिरहेको कोरोना भाइरसको संक्रमण रोक्न नेपाल सरकारले मंगलबारदेखि एक सताको लागि गरेको ‘लकडाउन’ पालना गराउन प्रदेश २ मा तीन वटै सुरक्षा निकाय परिचालन गरिएको हो । प्रदेश २ का जिल्लाहरुमा लकडाउनको उलंघन हुन थालेपछि जिल्ला भरिका सबै नेपाली सेना, नेपाल प्रहरी, सशस्त्र प्रहरी परिचालन गरिएको हो ।

लकडाउन उल्लंघन व्यापक देखिएपछि गुप्तचर निकायलाई पनि परिचालन गरिएको जनाइएको छ । प्रदेशको प्रत्येक जिल्लामा एकहजारको हराहारीमा सुरक्षाकर्मी खटाइएको छ ।

लकडाउन अवधिमा विना काम बाहिर हिड्नेहरुलाई सुरक्षाकर्मीले सम्झाईबुझाई घर पठाउने कार्य गरिरहेको छ । यस्तै, सडकमा चलाइने गाडी प्रहरीले नियन्त्रणमा लिइरहेको छ भने जबर्जस्ती गर्न खोज्नेलाई पक्राउसमेत गरिने गरिएको छ ।

(यो लकडाउन जनताकै लागि हो, सरकारको निर्देशन पालना गरौं, सुरक्षित रहौं - न्यूज ब्यूरो, नेपाल)