बरबरियाले भने - 'एक ठाउँमा हैन, हरेक वडामा योग'

जनकपुरधाम, १ माघ ।
तेस्रो राष्टिय योग दिवसको अवसरमा नेपालको कान्छो मेयर उदय कुमार बरबरियाले हरेक वडामा योग शिविरको थालनीलाई फलोअप गरेका छन् ।

केही दिन अघि एक कार्यक्रममा बोल्दै बरबरियाले शहिदनगर नगरपालिकाको हरेक वडामा योग शिविर सँचालन गर्ने प्रतिवद्धता जनाएका थिए ।
योग समितिका अध्यक्ष रामनारायण ब्यारको अध्यक्षता तथा मेयर बरबरियाको प्रमुख आतिथ्यमा सम्पन्न योग दिवसमा योग मानव जीवनमा नभई नहुने बताए ।

शिघ्र नै योगलाई प्राथमिकताका साथ नगरभित्रका जनसमुदायमा लागु सहित जनचेतना फैलाउने कार्य थालनी गर्ने जनाए ।
कार्यक्रममा बिशिस्ट अतिथि माओवादी केन्द्रका केन्द्रीय सचिवालय सदस्य श्रबण बरबरिया यादव, योग साधक कविराज निरिक्षक रामछबिला यादव , महिला पुरुष एवम महिला स्वम सेविका लगायत अतिथिहरुको सहभागीतामा भब्यताका सम्पन्न भएको हो ।

उक्त कार्यक्रममा महिला स्वम सेबिकालाइ एक घण्टा योग प्रशिक्षण समेत दिने काम भएको थियो भने निकट भविष्यमै योग गुरु रामदेव बाबालाई पनि शहिदनगरपालिकामा बोलाई योग सम्बन्धि प्रशिक्षण दिई नगरपालिकाका जनता जन समुदायलाई एउटा ठुलो फिल्डमा भेला गराई योग प्रशिक्षण दिनुहुन्छ भने बिश्वास लिएको बताए ।