जनकपुरः यातायात कार्यालय अगाडीबाटै मोटरसाईकल गायब

न्यूज ब्यूरो, जनकपुरधाम । जनकपुरको अति व्यस्त ठाउँ मानिएको जनकपुर यातायात कार्यालय अगाडीबाटै मोटरसाईकल चोरी भएको छ ।

गत आईतबार दिउँसो करिब १२ः३० बजेको समयमा यातायात कार्यालयको अगाडीबाटै चोरी भएको गाडी धनीले बताएका छन् ।

गाडी नामसारीको लागि लगिएको बेला कार्यालय अगाडीबाटै चोरी भएको हो । प्रदेश २ ०३ ००७ प १९७८ नम्बरको २२० सिसिको पलसर गाडी चोरी भएको हो ।

गाडी ओम अटो सेन्टर जनकपुरको नाममा रहेको त्यो गाडीको नामसारीको लागि लगेकै बेला कार्यालय अगाडीबाटै चोरी भएपछि चोरको बिगबिगी र प्रहरीको सुरक्षाप्रतिको प्रश्न खडा भएको छ ।

सवारी धनीले मोटरसाईकल चोरीको निवेदन जिल्ला प्रहरी कार्यालय धनुषामा दिएपनि हालसम्म कुनै सुनुवाई नभएको गुनासो गरेका छन् ।