प्रदेश २ः अविवाहित किशोरी वा युवतिले मोबाईल बोक्न नपाउने

न्यूज ब्यूरो, जनकपुरधाम । मोबाईलकै कारण कमै उमेरमा भाग्ने (पोइ जाने) क्रम बढेपछि किशोरी र युवतिलाई मोबाईलत प्रतिबन्ध गरेको छ ।

प्रदेश नं. २ को बारा जिल्लाको एक नगरपालिकाको एक वडाले सो नियम लगाउने निर्णय गरेको हो । बाराको सिम्रौनगढ नगरपालिका वडा नं. ५ मा अविवाहित किशोरी वा युवतिलाई मोबाइल बोक्न प्रतिबन्ध लगाइएको छ ।

बुधबार (आज) बसेको वडास्तरीय बैठकले अभिभावकहरुको गुनासोलाई मध्यनजर गर्दै वडाभरिमा कम उमेरका किशोरी वा विवाह पूर्व कुनै पनि किशोरी, युवतिले मोबाइल बोक्न पाउने छैन् ।

कम उमेरमा भागेर विहे गर्ने क्रम बढेपछि वडा समितिमा छलफल पछि अविवाहित केटीलाई मोबाइल बोक्न रोक लगाउने निर्णयमा पुगिएको वडा अध्यक्ष रामबहादुर कुर्मी पटेलले बताउनुभयो ।

‘सरकारले विवाहको उमेर २० वर्ष तोकेको छ तर एक महिनामा मात्रै विभिन्न टोलबाट कैयौं १२÷१४ बर्षकी किशोरीहरु भागिन। छोराछारी भागेपछि अभिभावक जनप्रतिनिधिकोमा गुनासो लिएर आउँछन्’ । त्यही भएर नियम लगाएका छौं ।' – वडाध्यक्ष कुर्मीले बताउनुभयो ।

उहाँले विवाहितले भए आफ्नो माइतीमा फोन गर्नुपपर्ने हुन्छ तर अविवाहित किशोरीहरु आफ्नो अध्ययन अध्ययापन बीचमै छाडेर कम उमेरमै भाग्ने क्रम बढेको भन्दै त्यस्तो गरेको बताउनुभयो ।

मुख्यमन्त्रीको बेटी पढाउ, बेटी बचाउ अभियानलाई पनि सार्थक बनाउन र समाजलाई शिक्षातर्फ धकेल्न यस्ता प्रवृतिलाई न्यूनिकरण गर्ने हेतु भयत्रासको हिसाबले नियम लागू गरिएको बताइएको छ ।

कम उमेरमै परिवारबाट भागेर विहे गर्ने, वा पछि पुनः विना विवाहकै विच्चली पर्ने, कमै उमेरमा गर्भ बोकेर आफ्नो ज्यानको खतरामा राख्ने गरेको भन्दै जनचेतना सहित यस्तो कदमको पनि आवश्यकता बमोजिम गरिएको बताउनुभयो ।