कान्छी भाउजुसँग थियो अनैतिक सम्बन्ध, जेठीलाई काटे !

न्यूज ब्यूरो, जनकपुरधाम । आफ्नै भाउजु उपर खुकुरी प्रहार गरी हत्या प्रयास गरेको आरोपमा देवर पक्राउ परेका छन् ।

रौतहटको यमुनामाई गाउँपालिका वडा नं. १ बस्ने धनै सहनिको छोरा राजुकुमार सहनी आफनै भाउजुको हत्याको प्रयास गरेको पोल खुलेको छ।

अनैतिक सम्बन्धको कारण भाउजूको हत्याको प्रयास गरेको खुलेको हो । ईलाका प्रहरी कार्यालय गरुडामा आज पत्रकार सम्मेलनको आयोजना गरि डिएसपी ज्ञानकुमार महतोले अभियुक्त राजुकुमार सहनिलाई सार्वजनिक गरेका हुन ।

सहनीले वैदेशिक रोजगारीमा रहेका दाईको श्रीमती पुनमकुमारी सहनी माथी धारिलो हतियार खुकुरी प्रहारगरि हत्याको प्रयास गरेको डिएसपी महतोले बताएका छन ।

हाल घाइते पुनमको बिरगंज स्थित एलएस न्युरो अस्पतालमा उपचार भैईरहेको र उनको टाउकोको अप्रेसन गर्नुपर्ने डाक्टरले बताएको पत्रकार सम्मेलनमा डिएसपी महतोले जानकारी दिएका छन ।

आरोपी राजु सहनी उपर ज्यानमार्ने उधोग मुद्दा दर्तागरी जिल्ला अदालत गौर बाट म्याद थपगरी अनुसन्धान गरिरहेका डिएसपी ज्ञानकुमार महतोले बताएका छन ।

सोमबार राती पुनम सहनी छोरी सहित आफ्नो घरमा सुतिरहेको अवस्थामा बिहान ४ बजे अज्ञात ब्यक्ति घर भित्र प्रवेश गरि पुनम उपर धारिलो हतियार खुकुरी प्रहारगरी घाइते बनाएर केही सामान लुटपाट गरि भागेका थिए ।

घाइते पुनमको सुकदेवचौक स्थित एउटा निजि अस्पतालमा उपचार भैइरहेको थियोे । घटनाको सूचना पाएर ईलाका प्रहरी कार्यालय गरुडाका डिएसपी ज्ञानकुमार महतोको नेतृत्वमा गएको टोलिले घटनास्थलमा सुक्ष्म अनुसन्धान सुरु गरेको थियो ।

अनुसन्धानको क्रममा घाइते पुनमको घरदेखी झन्डै १०० मिटर टाढा बाँस को मचानमा राजु सहित पुनमको चारजना देवरहरु सुतिरहेका थिए ।

प्रहरीले मचानको तलासी गर्दा राजुको सिरानी छेउमा रगतको टाटा देखिएको र परालमुनी २ वटा ठुलो खुकुरी बरामद गरेको थियो । लगतै प्रहरीले राजुलाई नियन्त्रणमा लिएर सोधपुछ गर्दा घरायसी बिवादको कारण हतियार प्रहार गरेको स्वीकार गरेका छन ।

स्रोतअनुसार अभियुक्त राजु सहनीको कान्छी भाउजू सङ अनैतिक सम्बन्ध लामोसमय देखि रहदै आएको छ । केहिदिन अघि जेठी भाउजू पुनमले सोबारे थाहा पाएर सासू ससुरा र उसको श्रीमानलाई अनैतिक सम्बन्ध बारे बताईदिने भनी देवर राजुलाई थर्काएकी थिईन ।

सोही सम्बन्ध बाहिर आउने डरले राजु सहनीले भाउजू पुनम सहनीको हत्यागर्ने प्रयास गरेको स्रोतको दाबी छ ।

डिएसपी ज्ञानकुमार महतोले घटनामा अभियुक्त राजु सहनीको कान्छी भाउजूको पनि हात हुनसक्ने भएपनी अनुसन्धानको क्रममै भन्न नसकिने बताए ।