रविराज र कल्पनाको होली गीत सार्वजनिक

न्यूज ब्यूरो, जनकपुरधाम । नेपाल लोकस्टारबाट चर्चामा आएका गायक रविराज साह र चर्चित गायिका कल्पना पटवारीको होलीको गीत सार्वजनिक भएको छ ।

हिन्दूहरुको महान् चाड होलीको अवसर पारेर रविराज र कल्पनाको आवाजमा रहेकोे 'सजना के रंगमें रंगा जइबु' नामक भोजपुरी भाषाको गीत बिहीबार सार्वजनिक गरिएको हो । म्यूजिक भिडियोलाई चर्चित भोजपुरी युट्यूब च्यानल 'वेभ म्यूजिक'बाट सार्वजनिक गरिएको छ ।

गीतमा रविराजले नै संगीत पनि भरेका छन् । गीतको भिडियोमा भने सुमित सविता शेखरले निर्देशन गरेका छन् । गीत तथा भिडियोमा होलीको पौराणिक संस्कृतिलाई झल्काइएको छ ।

लोकस्टारबाट चर्चामा आएसँगै विभिन्न प्रोजेक्टमा व्यस्त रहेका रविराजले यसअघि छठको गीत सार्वजनिक गरेका थिए । रविराजले श्रोता तथा दर्शकले आफूलाई माया गरेझैँ आफ्नो गीतलाई पनि माया दिने विश्वास लिए ।