जनकपुरः गर्भपतन गरी फालिएको अवस्थामा शिशु फेला

न्यूज ब्यूरो, जनकपुरधाम । जनकपुरमा आज (आईतबार) दिउँसो पोखरीको डिलमा गर्भपतन गरी फालिएको अवस्थामा एक शिशु फेला परेको छ ।

जनकपुरधाम उपमहानगरपालिका वडा नं. १ र वडा नं. १६ को बीचमा रहेको रेल्वे पटरी नजिकै पोखरी डिलमा शिशु फालिएको अवस्थामा फेला परेको हो ।

शिशुको प्रकृति अनुसार राती नै गर्भपतन गरी फालिएको हो । प्रहरले जनाए अनुसार गर्भपतन गरी बच्चालाई फालिएको अवस्थामा स्थानीयहरुले देखेपछि प्रहरीलाई खवर गरेको थियो ।

वडा प्रहरी कार्यालय रेल्वे स्टेशनका अनुसार बच्चा मृत छन् । "कुनै चिकित्सकले गर्भतन गरेको देखिन्छ । बच्चा ४/५ महिनाको छ । छोरा छ । यो अवैद्य सम्बन्धको कारण हुन सक्छ । माथिबाट आदेश आएअनुसार अब के गर्नुपर्छ हामी गरौला ।"– प्रहरीले जनायो ।