सञ्चारमन्त्री बास्कोटाद्धारा राजीनामा

न्यूज ब्यूरो, काठमाडौं । सञ्चारमन्त्री गोकुल बास्कोटाले राजीनामा दिएका छन् ।

सेक्युरिटी प्रिन्टिङ प्रेस खरिदमा ७० करोड घुस मागेको विवादमा फसेपछि उनले राजीनामा दिएका हुन् । संसदको बैठकमा सभामुख अग्निप्रसाद सापकोटाले यसको जानकारी दिएका हुन् ।

उनले भने, ‘औपचारिक पत्र त आउने नै छ । मलाई अनौपचारिक रुपमा जानकारी भएअनुसार सम्बन्धित मन्त्रीले राजीनामा दिइसक्नु भएको छ । र, सरकारको ध्यानाकर्षण पनि भइसकेको छ ।’

स्वीस एजेन्टसँग कमिसनबारे भएको कुराकानीको अडियो सार्वजनिक भएपछि बास्कोटाको राजीनामाको लागि चौतर्फी माग उठेको थियो ।