आईपुगे निरहुआ र आम्रपाली दुबे

न्यूज ब्यूरो, जनकपुरधाम । भोजपुरी सिनेमा जगतका सुपर स्टार अभिनेता दिनेश लाल यादव 'निरहुआ' र चर्चित अभिनेत्री आम्रपाली दुबे दर्शक झुमाउन आईपुगेका छन् ।

भोली (मँगलबार) निरहुआ र आम्रपाली दुबेले दर्शक झुमाउने भएको छ । विहान ९ बजेदेखि कार्यक्रम सुरु हुने एसराज प्रोडक्सनका निर्देशक सँतोष राज सहनीले जानकारी दिए । रौतहटको मौलापूरमा आयोजना गरिएको भव्य मधानी महायज्ञमा दर्शक झुमाउने सहनीले जानकारी दिएका छन् ।

मँगलबार राष्ट्रपति विद्यादेवी भण्डारी समेत मधानी महायज्ञमा पूजाआजाको लागि आउने भएकी हुन् । उहाँ विहानै पूजाको लागि रौतहटको मौलापुर आउने कार्यक्रम तय भएको हो । रौतहटको मौलापुर नगरपालिका–५ पतौरामा आईतबारदेखि मधानी महायज्ञ शुरु भएको छ ।

फाल्गुण ४, ५ र ६ गते पुरातात्विक महादेब मंन्दिरको प्राङ्गणमा हुने मधानी कलस यात्रा निकाली आइतबार देखि सुभारम्भ गरिएको हो।

राष्ट्रपति भण्डारी द्धारा भोली (मँगलबार) मन्दिर प्राङ्गणमा सहभागिता जनाउने तथा पशुपतिनाथ मन्दिरका मुल भट्टद्वारा मन्त्रोच्चारण गराई विशेष पुजा गर्ने कार्यक्रम रहेको छ ।

पर्यटन प्रबद्धन गर्ने उदेश्यका साथ कर्नाटकालिन महादेब मंन्दिरमा महायज्ञ लगाउन लागिएको जनाइएको छ ।

महायज्ञमा यस क्षेत्रको ऐतिहासिक, धार्मिक तथा सांस्कृतिक महत्व झल्किने किसिमले भगवान शिवको विशेष पुजा अनुष्ठान हुने आयोजकले जनाएको छ ।

महायज्ञको लागि फागुन ४ गते शिवलिला प्रदर्शन, ५ गते महायज्ञ शुभारम्भ तथा नेपाली कलाकारहरुको सांस्कृतिक प्रस्तुतिको कार्यक्रम रहेको छ भने फागुन ६ गते राष्ट्रपति भण्डारीबाट विशेष पुजा कार्यक्रम रहेको छ ।

सो महायज्ञमा नेपाली कलाकारहरु निखिल उप्रेती , केकि अधिकारी ,अस्मिता दहाल ,शालिनी कुवर ,सन्तोष राज सहनी एवम् विदेशी कलाकारहरु अम्रपाली दुबे ,दिनेश लाल यादब ,इन्दु शोनाली द्वारा सांस्कृतिक कार्यक्रम गरिने छ ।