विद्युत प्राधिकरणमा भारी सँख्यामा जागिर खुल्यो, SLC पासले पनि भर्न सक्ने

न्यूज ब्यूरो, जनकपुरधाम । नेपाल विद्युत प्राधिकरणले भारी सँख्यामा कर्मचारी माग गरेको छ । विभिन्न तह र पदको लागि प्राधिकरणले एक सूचना विज्ञापन प्रकाशित गरी ठुलो सँख्यामा कर्मचारी माग गरेको हो ।

गोरखापत्रमा गत शुक्रबार अर्थात मिति २०७६/११/०२ गतेमा प्रकाशित सूचना विज्ञापनमा विभिन्न तहको लागि माग गरिएको कर्मचारी पदको लागि एसएलसी पास गरेका नेपाली नागरिकले समेत फाराम भर्न पाउने भएको छ । सो लागि न्यून्तम योग्यता भने एसएसली पास माग गरेको हो ।

विज्ञापनमा अधिकृत स्तरको लागि मात्र ४२ जना सिटको लागि विज्ञापन प्रकाशित गरिएको हो । अधिकृत स्तरमै पनि सह–निर्देशक को १० औं तहको लागि प्रशासन सेवामा १ जना महिला माग गरिएको हो । त्यस्तै, प्रबन्धकको लागि पनि १० औं तहको प्राविधिक तर्फ आदिवासी जनजाती कोटामा माग गरिएको हो ।

विज्ञापन नं. २०७६/७७ प्र. १०/१ मा १० औं तहको यी २ पदको लागि योग्यता भने स्नातकोत्तर उतीर्ण वा अधिकृत स्तरमा ७ वर्षका अनुभव माग गरिएको हो । यस्तै प्रबन्धक तर्फ ईलेक्ट्रीकल वा ईलेक्ट्रीकल ईन्जिनीयरिँगमा स्नातकोत्तर उतीर्ण वा नेपाल सरकार वा संगठनि सँस्थाको अधिकृत स्तर पदमा ७ वर्षको कार्यअनुभव माग गरेको हो ।

विज्ञापन नं. २०७६/७७ प्र. १०/३ मा ९ औं तहको लागि उपनिर्देशक पदमा प्रशासन सेवा तर्फ लेखाको लागि खुल्लामा १ जना माग गरिएको हो । त्यसको लागि वाणिज्य शास्त्र (कमर्स) मा वा व्यापार (विजनेस) मा स्नातकोत्तर उतीर्ण योग्यता माग गरिएको छ । यसमा पनि ७ वर्षको कार्यअनुभव माग गरिएको हो ।

यस्तै, ९ वौ तहकै लागि उपप्रबन्धक पदको लागि मधेशी कोटामा १ जना माग गरिएको हो । मधेशी कोटाको लागि ईलेक्ट्रीकल पढेको वा सम्बन्धित विषयमा स्नातकोत्तर उतीर्ण तथा नेपाल सरकार वा सम्बन्धित सँस्थामा कम्तीमा ५ वर्षको कार्यअनुभव माग गरिएको हो ।

यस्तै, सहायक प्रबन्धकै लागि पनि सिभिलमा पनि प्राविधिक तर्फ माग गरिएको हो । १ जना खुल्ला तर्फ माग गरिएको हो । सम्बन्धित विषयमा स्नातकोत्तर पास गरेको योग्यता माग गरिएको हो । सहयाक प्रबन्धको लागि पनि एक जना मधेशी र एक जना खुल्लामा विज्ञापन निकालिएको छ ।

फारम भर्नको लागि निम्न कागजात तथा प्रक्रिया अपनाउनुपर्ने हुन्छ । फोटोमा हेर्नुहोस् ।

प्रशासकीय अधिकृतको लागि प्रशासन तर्फ सेवा प्रदान गर्न खुल्लामा ३ जना, महिलामा १ जना, आदिवासी जनजाती कोटामा १ जना तथा पिछडावर्गमा १ जना माग गरिएको हो । लेखा अधिकृतको लागि पनि खुल्ला तर्फ ४ जना, महिला १ जना, आदिवासी जनजाती कोटामा १ जना माग गरिएको छ ।

यस्तै, कानुन अधिकृतको लागि सातौ तहमा प्रशासन तर्फ १ जना महिला कोटामा माग गरिएको हो । कानुन विषय लिएर स्नातकोत्तर उतीर्ण गरेको हुनुपर्ने भनेर विज्ञापनमा उल्लेख गरिएको छ । यस्तै, ईन्जिनीयरहरुको लागि पनि ७ औ तहमा सेवा लिने भएको छ । जसमा मेकानिकल, सिभिल, ईलेक्ट्रीकल र कम्प्युटर ईन्जिनीयर माग गरिएको हो ।

यी पदहरुको लागि खुल्ला, मधेशी, आदिवासी जनजाती, दलित कोटामा समेत सिट आरक्षीत गरिएको हो । अधिकृत स्तरकै लागि विद्युत प्राधिकरणले भने ४२ जना कर्मचारी देशभरिबाट माग गरेको हो ।

यस्तै, सहायक स्तरको लागि पनि २९ जना कर्मचारी माग गरिएको हो । त्यसमा मधेशी, आदिवासी जनजाती, दलित, महिला र खुल्ला कोटामा माग गरिएको हो । लेखापालको लागि २० जना, सुपरभाईजरको लागि ३९ जना, मेकानिकल तर्फ ६ जना माग गरिएको हो ।

सुपरभाईजरकै लागि सिभिल तर्फ ५ जना, ड्रिलिँग सुपरभाईजर १ जना, ड्राफ्टमेन १ जना, सिनियर मिटर रिडर चौथो तहको लागि २३ जना माग गरिएको छ । जनकपुरको लागि सिनियर मिटर रिडरको लागि ६ जना माग गरिएको हो । ब्याचलर पास गरेको हुनुपर्ने वा इन्टर पास न्युन्तम योग्ता मागेको हो ।

यस्तै, सहायक लेखापालको लागि १२ जना, फोरमेनको लागि ३९ जना तथा जुनियर टेक्नीसियनको लागि पनि १ जना माग गरेको हो । यसको लागि मात्र एसएलसी (एसईई) पास भएको योग्तमा माग गरिएको हो ।

अनलाईन फारम भर्न यो तरिका अपनाउनुहोस् ।