सिजे साह बचाउ अभियान : सम्मान मधेशको २५ हजार सहयोग, ३ लाखको खाँचो

न्यूज ब्यूरो, जनकपुरधाम । मुटु रोगले ग्रसित धनुषाका सिजे साह बचाउ अभियानमा विभिन्न संघ सँस्थाहरुले सहयोग क्रम जारी राखेको छ ।

सोही क्रममा वैदेशिक रोजगारीमा बस्ने युवाहरुको समूह सम्मान मधेशद्धारा पनि उनको बचाउको लागि आर्थिक सहयोग गरेको हो । सम्मान मधेशद्धारा २५ हजार १ सय ५१ रुपैयाँ सहयोग राशनी प्रदान गरिएको हो ।

धनुषाको मिथिला नगरपालिका वडा नं. ३ हरिहरपुर बस्ने अन्दाजी बर्ष ३२ का सिजे साह अहिले काठमान्डौंको एक हस्पिटलमा उपचारार्थ रहेका छन् । न्यूज ब्यूरोमा समाचार प्रकाशन प्रकाशित भएपछि विभिन्न संघ सँस्थाहरुले उनको बचाउको लागि अग्रसर भएको छ ।

अस्पतालले उनलाई बचाउन ५ लाख रुपैयाँ आवश्कता बताएपछि उनको बचाउको लागि अभियान समेत सँचालन गरिएको हो । सोही क्रममा सम्मान मधेशका पदाधिकारी तथा सदस्यहरुले उनलाई २५ हजार रुपैयाँ सहयोग गरेको हो । उनलाई चाहिने रकम भन्दा अझै करिब ३ लाख रुपैयाँको खाँचो रहेको उनकी श्रीमति समता देवी साहले बताईन् ।

अहिले सिजे साह काठमान्डौंको बाँसबारी स्थित मनमोहन हस्पिटलमा उपचाररार्थ रहेकोमा उनलाई १ लाख रुपैयाँ अस्तपालले नै छुट गर्ने भएपछि उनलाई अझै ३ लाख रुपैयाँको आवश्यकता रहेको छ । उनको बचाउको लागि अहिलेसम्म १ लाख ३० हजार रुपैयाँ जम्मा भएको बताइएको छ ।

सिजेलाई बचाउनको लागि चाहिने आर्थिक सहयोग संकलन अभियानमा उनकी श्रीमति समता देवी साहको नाममा बैँक खाता समेत सँचालन गरिएको हो । बैंक खाताको विस्तृत यस प्रकार सार्वजनिक गरिएको छ ।

CIVIL BANK LTD

Account Number : 07910359686015

Account Name : Samata devi sah

Branch : Dhalkewar