अब जनकपुरमै सबभन्दा ठुलो पानी फ्याक्ट्री स्थापना

न्यूज ब्यूरो, जनकपुरधाम । मिनिरल वाटर (शुद्ध पानी) को मागलाई ध्यानमा राख्दै जनकपुरमै सबभन्दा ठुलो फ्याक्ट्री सँचालनमा आएको छ ।

पिउने पानीको लागि सबभन्दा ठुलो उद्योगको रुपमा जनकपुरधाम उपमहानगरपालिका वडा नं. १३ कवर्ड हल नजिकै पानी प्लान्ट स्थापना गरिएको हो । सो प्लान्ट १ करोड ३० लाखको लागतमा सँचालनमा ल्याएको व्यावसायी सुमन्थ कर्णले बताउनुभयो ।

आईतबार प्रदेश सरकारका उद्योग पर्यटन, वन तथा वातावरण राज्यमन्त्री सुरेश मण्डलले उक्त फ्याक्ट्रीलाई उदघाटन गर्नुभएको हो । जनकपुर क्षेत्रमै सबभन्दा मोटो लगानी र सबैभन्दा ठुलो पानी फ्याक्ट्रीको रुपमा स्थापित भएको भन्दै व्यावसायी कर्णलाई प्रशंसा गर्नुभयो ।

मिनिरल वाटरको नाममा कैयौं ब्राण्डहरुले आम उपभोक्तलाई ठगी गर्दै आएको भन्दै व्यवसायी कर्णले मोटो लगानीमा उपभोक्ताको स्वास्थ्य हितको लागि प्लान्टको स्थापना गरेको बताउनुभयो । उहाँले उपभोक्ताको स्वास्थ्य नै सबभन्दा ठुलो उपलब्धी हुने बताउनुभयो ।

निरन्तर बोतल पानीको माग बढे अनुसार शुद्ध पानी उपभोक्तासम्म पुरयाउनको लागि ठुलो प्लान्टको स्थापना गरिएको हो । जनकपुरबाटै अब आसपासका क्षेत्रहरुमा समेत पानी निर्यात गर्ने जनाईएको छ । मोटो रकम लगानी गरी स्थापना गरिएको प्लान्टको पानी उपभोक्ताको स्वास्थ्यसँग कुनै सम्झौता नहुने प्रतिवद्धता जनाइएको छ ।

सो क्रममा बोल्दै प्रदेशका राज्यमन्त्री मण्डलले प्रदेशका युवाहरु श्रम बेच्नुभन्दा स्वरोजगार हुनु आवश्यक रहेको बताउनुभयो । श्रम बेचेर प्रदेश समृद्ध नहुने बताउँदै उहाँले समृद्ध बन्नको लागि श्रम गर्नु पर्ने र त्यो स्वदेशमै सम्भव रहेको औल्याउनुभयो ।

शुद्ध पिउने पानीको आवश्यकता ओल्याउँदै बजारमा अझै शुद्ध पिउने पानी अभाव रहेको उनले बताउनुभयो । उद्योग क्षेत्रमा युवाको सक्रियता उदाहरणीय रहेको भन्दै प्रदेश सरकार उय्योगीहरुलाई सहयोग गर्न तयार रहेको गर्नुभयो ।

उद्योग स्थापना एवं पर्वद्धनमा प्रदेश सरकारले ल्याएको व्यवस्था बारे चर्चा गर्दै उद्यागीले प्रयोग भएक्रो बोतल पुनः प्रयोगमा ल्याउने नीति ल्याउन उहाँले सुझाव दिनुभयो ।